Leið yfir Marilyn Manson í miðju lagi

Tónlistarmaðurinn sérkennilegi Marilyn Manson, neyddist á laugardaginn til að draga sig í hlé á tónleikum sínum og Rob Zombie í Houston.

Manson sem heitir réttu nafni Brian Warner, er 49 ára gamall og hefur verið virkur tónlistarmaður frá árinu 1989.

Billboard greinir frá því að á meðan flutningi á ábreiðu Manson af Eurythmics laginu „Sweet Dreams Are Made Of This“ hafi söngvarinn fallið til jarðar og lagst upp við einn af hátölurunum á sviðinu. Söngvarinn sagði áhorfendum að hann væri örmagna vegna ofhitnunar.

Kvöldinu var þó ekki slaufað en Zombie tók yfir og hvatti áhorfendaskarann til að láta vel í sér heyra fyrir félaga sinn.

Þetta er ekki í fyrsta sinn sem veikindi trufla tónleikaröð félaganna en tónleikunum sem áætlaðir voru 26.júlí var aflýst vegna veikinda Manson.

Myndskeið af atvikinu, tekið af áhorfenda má sjá hér að neðan.