Stjörnuspá Siggu Kling – Meyjan: Ekki tala of mikið um erfiðleika

Elsku Meyjan mín, það er byrjað hjá þér mjög sérstakt tímabil sem líkist því að þú sért á sjó, það koma miklar öldur og þú verður svo ánægð þegar þú ert komin yfir það svæði, finnur að sjórinn er lygin og útsýnið í kring gott.

Þú ert að fara að sjá miklu betur hver þinn tilgangur í þessari veröld er, átt eftir að finna kjarnann í tilfinningunum þínum og skilja þú hefur svo sannarlega máttinn til að hafa lífið eins og þú vilt. Alls ekki tala of mikið um erfiðleika eða tilfinningadrama því þá muntu bara skynja að það koma fleiri öldur sem setja hindranir á sigurvegarann í þér. En mundu að stormurinn sem gefur þennan öldugang mun færa þér velgengni.

Það eru að koma stórbrotnar breytingar sem gefa þér stórkostlega líðan og hamingju og það eina sem maður í raun og veru þarf er hamingja. Svo staldraðu við þegar þú finnur hamingjusamt augnablik, smelltu fingri eða klappaðu þér á brjóstkassann þá fer sú tilfinning í innra minni frumanna og hjálpar þér til þess að skilja tilganginn. Þú átt eftir að hafa svo mikla útgeislun og líta miklu betur út, þú gefur frá þér þannig gló að þú laðar að þér ástina í margfaldri mynd.

Ef þú skoðar betur þá hefurðu nægan tíma til að skipuleggja næstu mánuði, vertu aðeins rómantískari og blíðari því það hjálpar og notaðu húmorinn til að gera grín að vitleysunni í lífinu, þá verður allt auðveldara. Ef það eru hugmyndir um að skipta um húsnæði eða færa sig til um skóla eða vinnu þá er sá tími að koma upp í fangið á þér.

Þú hefur þá orku að fara í gegnum fjöll svo vertu ákveðin í þessu rallýi og láttu ekki annarra manna þunglyndi endurspegla þig. Neistarnir munu fljúga í allt í kring og þú sérð margfalt meiri fegurð í fólkinu í kringum þig og sjálfum þér og hafðu það að leiðarljósi að hafa fólk sem sérstakt áhugamál.

Setningin til þín er: Þú ert skipstjórinn á stóra skemmtiferðaskipinu sem kallast Lífið

Frægar Meyjur: Ragna Lóa Stefánsdóttir íþróttakona, Manuela Ósk fyrirsæta, Björk Eiðsdóttir ritstýra, Andrea fatalistamaður, Claudia Schiffer fyrirsæta, Edda Björgvinsdóttir leikkona, Eva Dögg Sigurgeirsdóttir, ritstjóri og tískugúrú, Herdís Jóhannesdóttir athafnakona, Beyoncé Knowles söngkona, Gylfi Þór Sigurðsson, Eiður Smári Guðjohnsen, Sigrún Ósk Kristjánsdóttir sjónvarpskona, Annie Mist crossfittari, Logi Pedro Stefánsson tónlistarmaður, Selma Ragnars, fatahönnuður Íslands, Lalli Johns góðkunningi lögreglunnar, Sema Erla Serdar, baráttukona, Eydís Ósk hjúkrunarkona.