Stjörnuspá Siggu Kling – Tvíburinn: Í hjarta þínu þráir þú tvennskonar líf

Elsku Tvíburinn minn, þú ert bæði búinn að fagna og syrgja og í þessu hefur þú fundið kraft og styrk til þess að halda áfram án þess að hugsa hvað aðrir séu að spá í. Hin sterka pláneta Merkúr er að gefa þér kraft til að drífa þig í framkvæmdir og gefa hugmyndafluginu lausan tauminn.

Neptúnus pláneta innsæis er einnig að hafa mikil áhrif sem gefur þér þann hæfileika að skilja lífið svo vel og þú ert svo tengdur við ólýsanlega orku sem getur látið alla drauma þína rætast því þú ert ávallt skrefi á undan öllum öðrum. Þú getur tælt alla til þín, en í guðanna bænum hafðu tilgang með þessari tælitækninni. Þú hefur svo hugljómandi frásagnargáfu og gætir átt það til að skreyta staðreyndir til að gera lífið skemmtilegra og hverjum er ekki sama um það, því það gerir þig svo skemmtilegan.

Í hjarta þínu þráir þú tvennskonar líf, öryggi og frið og gleði og gaum, núna er tíminn til að tengja þetta saman og leyfa þér að vera fjölbreytt og áhugaverð týpa. Í guðanna bænum ekki reyna að skilgreina hver þú ert því það verður endalaus umhugsun, þú munt ávallt og alltaf hafa stjórn á ástinni ef eitthvað annað er að gerast hefurðu tapað sjálfum þér.

Þetta er stórmerkilegt sumar þótt sólin hafi ekki alltaf skinið á sólríka Tvíburann, þú hefur lært svo margt og ferð auðveldlega inn í haustið. Í peningum og veraldlegum gæðum verður allt meira en gott, þú siglir inn í tíma velgengninnar.

Þú átt eftir að lesa mikið um að hlusta á áhrifavaldavalda eins og til dæmis mínir uppáhalds og þar fyrst nefni ég Dale Carnegie, Louise Hay, Oprah Winfrey meðal annarra. Þú getur alltaf orðið miklu betri útgáfa af sjálfri þér, þetta sumar magnar upp löngun, ástríðu og drauma – því þitt er sumarið að eilífu, amen.

Frægir Tvíburar: Ragnar Sigurðsson landsliðsmaður, Örn Árnason leikari, Óli Geir Jónsson plötusnúður, Bjarni töframaður, Hrund Þórsdóttir fréttakona, Össur Skarphéðinsson húmoristi, Johnny Depp leikari, Páll Magnússon fjölmiðlamaður, Kjartan Atli Kjartansson lífsspekúlant, Heimir Hallgrímsson landsliðsþjálfari, Gunnar Einarsson, bæjarstjóri Garðabæjar, Andri Freyr útvarpsmaður og Lýðveldið Ísland, Donald Trump, Þórarinn Þórarinsson blaðamaður, Bjartmar Guðlaugsson, söngvari og snillingur, Jóhanna Heiðdal lögfræðingur.