Halla selur höllina fyrir Bandaríkjaflutninginn

Halla Tómasdóttir, forsetaframbjóðandi, hefur sett hús sitt við Sunnubraut í Kópavogi á sölu. Greint var frá því um miðjan júnímánuð að Halla hafi verið ráðin forstjóri B Team, sem hefur aðsetur í New York. Því má ætla að salan á hinu rúmlega 200 fermetra einbýlishúsi við sjávarsíðuna tengist eitthvað fyrirhuguðum flutningi hennar til Bandaríkjanna.

Sjá einnig: Halla Tómasdóttir ráðin forstjóri B Team og flytur til New York

Á fasteignavef Vísis má kynna sér einbýlishúsið betur. Þar segir meðal annars að í því séu þrjú svefnherbergi, fjórar stofur og tvö baðherbergi. Við húsið er jafnframt bílskúr, 200 fermetra harðviðarpallur, heitur pottur og niðurgrafið trampólín. Húsið var tekið í gegn árið 2010 en innanhúsarkitektinn Hanna Stína sá um hönnun þess.

Frekari upplýsingar, sem og fleiri myndir af húsinu, má nálgast með því að smella hér.