Strákarnir eru lagðir af stað til Moskvu

Íslenska landsliðið er komið upp í flugvél og er á leiðinni til Moskvu þar sem strákarnir mæta Argentínu í fyrsta leik á HM á laugardag.

Flugvélin átti að takast á loft klukkan 12:50 að íslenskum tíma og ætti vélin því að vera nýfarin af stað. Áætlaður lendingartími í Moskvu er klukkan 15:00 að íslenskum tíma. Landsliðið æfir svo á keppnisvellinum í fyrramálið.

Strákarnir voru léttklæddir fyrir ferðalagið í dag en þeir fara í fínu jakkafötin frá Herragarðinum á leið sinni í leikinn sjálfann á Laugardag.

Vilhelm Gunnarsson, ljósmyndari Vísis í Rússlandi, smellti þessum myndum af strákunum þegar þeir fóru í gegnum öryggishliðið á flugvellinum.

Vísir er með öflugt teymi í Rússlandi sem verður með ítarlegan fréttaflutning af íslenska liðinu á HM. Fylgist með á samfélagsmiðlum okkar - á Facebook, Twitter og Instagram.