Gylltar veitingar í útgáfuteiti Tobbu Marinós

„Veislan gekk vonum framar. Bókin mokseldist og fólk var svo ákaflega ánægt með bókina,“ segir rithöfundurinn Tobba Marinósdóttir sem gaf í gær út bókina Gleðilega Fæðingu ásamt Hildi Harðardóttur fæðingarlækni og Aðalbirni Þorsteinssyni gjörgæslu og svæfingalækni. Hún segir að bókin sé ólík öðrum fæðingarbókum að því leyti að hún fjallar um hvað fer fram í fæðingastofunni sjálfri.

Hvaða valkostir standa foreldrum til boða og undirbýr þannig verðandi mæður undir þessa miklu og krefjandi lífsreynslu.

„Þetta er sjötta bókin sem ég skrifa en það er alltaf jafn dásamlegt að sjá loksins tilbúna afurð. Það var líka svo skemmtileg stemming sem myndaðist.“

Bókin er að sögn höfunda ákaflega kvíðastillandi og mikilvægur liður í undirbúningi verðandi foreldra. Tobba er komin rúma fjóra mánuði á leið og þakkaði hún samhöfundum sínum fyrir að hún treysti sér aftur í barneignir en hún var sett af stað þegar hún eignaðist Regínu dóttir sína og segir það hafa komið sér á óvart hversu erfið fæðingin var og stjórnleysið sem fylgir því að ráða ekki við sársaukann.

„Óléttar konur, smjörkrem og snuð. Kaldur bjór, hressir pabbar og fólinsýra. Eldri konur að kaupa bækur handa börnum sínum sem kurteisa áminningu um að nú sé komin tími á barnabörn,“ segir Tobba um stemmninguna í boðinu í gær. 

Mikið fjör var í veislunni en læknar, ljósmæður og óléttar konu fjölmenntu í verslun Forlagsins út á Granda. Boðið var upp á gylltar veitingar í stíl víð bókarkápuna auk þess sem óléttir gestur voru sendir heim með gjafapoka.

Hér að neðan má sjá skemmtilegar myndir frá útgáfuboðinu.