Landsliðsfyrirliðinn að spila frábærlega

Landsliðsfyrirliðinn Sara Björk Gunnarsdóttir heldur áfram að spila frábærlega fyrir lið sitt, Wolfsburg í Þýskalandi, en í kvöld skoraði hún eitt marka liðsins í 4-0 sigri.

Liðið spilaði gegn botnliði Jena á útivelli í kvöld en sigurinn var afar öruggur eins og tölurnar gefa til að kynna en Sara skoraði þriðja mark liðsins.

Sara var einnig á skotskónum þegar liðið vann góðan útisigur, 3-1, á Chelsea í fyrri leik liðanna í undanúrslitum Meistaradeildar Evrópu.

Wolfsburg er nú með fimm stiga forskot á toppi deildarinnar og á leik til góða. Liðið á titilinn vísan er fimm leikir eru eftir.