Forsætisráðherra: Hefur afleiðingar fyrir ríkisstjórnarsamstarfið ef vantraust á einn ráðherra er samþykkt Sunna Kristín Hilmarsdóttir skrifar 7. mars 2018 12:45 Katrín Jakobsdóttir, forsætisráðherra, segir það hafa verið vonbrigði að tveir þingmenn VG greiddu atkvæði með vantrausti á dómsmálaráðherra í gær. vísir/hanna Katrín Jakobsdóttir, forsætisráðherra og formaður Vinstri grænna, segir að það hafi verið vonbrigði að þingmenn VG, þau Rósa Björk Brynjólfsdóttir og Andrés Ingi Jónsson, greiddu atkvæði með vantrauststillögu á Sigríði Á. Andersen, dómsmálaráðherra á Alþingi í gær. Þingmennirnir upplýstu þingflokk VG um það á þingflokksfundi áður en umræðan um vantraust hófst hvernig þau myndu kjósa. Katrín segir að að sjálfsögðu hefði það áhrif á ríkisstjórnarsamstarfið ef vantraust yrði samþykkt á einn ráðherra. „Á endanum þegar ráðherralisti var lagður fyrir þingflokk VG nú í nóvember þá var um leið samþykkt bókun af hálfu þingflokksins um stuðning við félagslega niðurstöðu flokksráðsfundar VG og það átta sig auðvitað allir á því að vantrauststillaga á einn ráðherra hefur áhrif á ríkisstjórnarsamstarfið,“ segir Katrín í samtali við Vísi. Studdu ráðherralista en greiddu atkvæði gegn stjórnarsáttmála Þannig að þú lítur svo á að ef að tillagan hefði verið samþykkt hefði ríkisstjórnarsamstarfinu verið sjálfhætt? „Ef það er samþykkt vantraust á einn ráðherra þá hefur það að sjálfsögðu afleiðingar á ríkisstjórnarsamstarfið í heild,“ segir Katrín. Hún vill ekki tjá sig um það hvort hún líti þá svo á að Rósa Björk og Andrés Ingi styðji ekki ríkisstjórnina og segir að þau verði að svara fyrir sína afstöðu. Þau studdu ráðherralista VG en greiddu atkvæði gegn stjórnarsáttmálanum á flokksráðsfundi VG í nóvember. Þá sagði Rósa að hún áskildi sér rétt til þess að taka afstöðu til einstakra mála í samræmi við sína sannfæringu. Orð forsætisráðherra um vantraust á einn ráðherra og ríkisstjórnarsamstarfið enduróma orð sem Lilja Rafney Magnúsdóttir og Bjarkey Olsen Gunnarsdóttir, þingmenn VG, létu falla á Alþingi í gær í umræðum um vantraustið. Þar lýstu þær báðar áhyggjum af því að tillagan snerist um ríkisstjórnina í heild. „Níu þingmenn Vinstri grænna meta það svo að ríkisstjórnarsamstarfið sé undir ef að vantraust verður samþykkt. Við myndum líta þannig á ef málið sneri að okkur, annað er einföldun á pólitíkinni,“ sagði Bjarkey til að mynda þegar hún gerði grein fyrir atkvæði sínu í gærkvöldi. Vantrauststillagan kom ekki á óvart Aðspurð hvort að það hafi komið henni á óvart að vantrauststillagan var lögð fram segir hún svo ekki vera. „Nei. Þetta er náttúrulega margboðið og búið að tala um þetta lengi. Ég fór auðvitað yfir það í minni ræðu að mér fyndist ekki fullnægjandi rök fyrir þessari tillögu. Það breytir því ekki að það sem hefur komið fram í dómi Hæstaréttar og héraðsdóms hafi í rauninni legið fyrir í nefndarálitinu sem ég mælti fyrir síðastliðið vor,“ segir Katrín og bætir við að hún teldi það ekki ástæðu til afsagnar heldur ástæðu til að fara yfir málið, nýta tækifærið og fara yfir lagaumgjörð um skipan dómara. „Hæstiréttur kemst að því að ráðherra hafi gerst brotlegur við 10. grein stjórnsýsluréttarins, sem er auðvitað matskennd regla, þannig að mér fannst rökin með vantrausti ekki fullnægjandi fyrir utan að þau voru auðvitað mjög mismunandi hjá stjórnarandstöðunni,“ segir Katrín.En maður veltir því þá fyrir sér hvenær ráðherrar á Íslandi eigi að segja af sér ef það gerist ekki þegar ráðherra hefur fengið á sig dóm fyrir að brjóta lög? „Ég held að lögbrot sé í sjálfu sér ekki mælikvarði á þetta í þessu ljósi. Ég held að það liggi í hinni pólitísku menningu og hjá hverjum og einum hvenær fólk finnur hjá sér þá þörf fyrir að segja af sér. Ég hef nú sagt það líka að ég held að við eigum svolítið langt í land með okkar pólitísku menningu í þá átt,“ segir Katrín. Í byrjun árs skipaði Katrín starfshóp til að efla traust á stjórnmálum og stjórnsýslu. Spurð út í þann hóp í þessu samhengi segir Katrín: „Mín trú er sú að svona breytingar verði ekki á einni nóttu og ég hef heyrt það frá þingmönnum, meira að segja úr mínum eigin flokki að þeim finnist lítið til koma að leggja til slíka vinnu. Ég er bara algjörlega ósammála því. Það sem þarf að gera ef við viljum breyta kerfi þá þarf að huga að því hvar við getum breytt innan kerfisins. Það er auðvitað umhugsunarefni hversu stutt á veg komin við vorum varðandi siðareglur og hagsmunaskráningu fyrir hrun. Enn og aftur erum við kannski ekki í takt við það sem gengur og gerist annars staðar og ég held að það sé mikilvægt að við breytum því kerfislægt.“ Dómstólar Landsréttarmálið Tengdar fréttir Vantrauststillaga Samfylkingar og Pírata felld Tillagan var felld með 33 atkvæðum gegn 29. 6. mars 2018 19:15 Vantrauststillagan sýni að skipan dómara eigi að vera í höndum ráðherra en ekki hæfnisnefndar Dómsmálaráðherra sagðist hafa fylgt lagabókstafnum í einu og öllu við skipan dómara við Landsrétt. 6. mars 2018 18:13 Mest lesið Grunaður hraðbankaþjófur nennti ekki með austur nóttina örlagaríku Innlent Mannskæð skotárás í skóla í Bandaríkjunum Erlent Glímdi við veikindi fyrir andlátið sem breyttu persónuleika hans Innlent Ekki séð neitt þessu líkt á sínum fjörutíu ára ferli Innlent Til skoðunar að flytja Sjálfstæðisflokkinn úr Valhöll Innlent Stefna Open AI vegna sjálfsvígs sonarins Erlent Supu hveljur á fundi með ráðherra á Egilsstöðum Innlent Er við góða líkamlega heilsu en heilinn að „bregðast honum“ Erlent Raðsundlaugarkúkari gengur laus í Oulu Erlent Gátu ekki opnað hraðbankann þrátt fyrir ítrekaðar tilraunir Innlent Fleiri fréttir Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Sjá meira
Katrín Jakobsdóttir, forsætisráðherra og formaður Vinstri grænna, segir að það hafi verið vonbrigði að þingmenn VG, þau Rósa Björk Brynjólfsdóttir og Andrés Ingi Jónsson, greiddu atkvæði með vantrauststillögu á Sigríði Á. Andersen, dómsmálaráðherra á Alþingi í gær. Þingmennirnir upplýstu þingflokk VG um það á þingflokksfundi áður en umræðan um vantraust hófst hvernig þau myndu kjósa. Katrín segir að að sjálfsögðu hefði það áhrif á ríkisstjórnarsamstarfið ef vantraust yrði samþykkt á einn ráðherra. „Á endanum þegar ráðherralisti var lagður fyrir þingflokk VG nú í nóvember þá var um leið samþykkt bókun af hálfu þingflokksins um stuðning við félagslega niðurstöðu flokksráðsfundar VG og það átta sig auðvitað allir á því að vantrauststillaga á einn ráðherra hefur áhrif á ríkisstjórnarsamstarfið,“ segir Katrín í samtali við Vísi. Studdu ráðherralista en greiddu atkvæði gegn stjórnarsáttmála Þannig að þú lítur svo á að ef að tillagan hefði verið samþykkt hefði ríkisstjórnarsamstarfinu verið sjálfhætt? „Ef það er samþykkt vantraust á einn ráðherra þá hefur það að sjálfsögðu afleiðingar á ríkisstjórnarsamstarfið í heild,“ segir Katrín. Hún vill ekki tjá sig um það hvort hún líti þá svo á að Rósa Björk og Andrés Ingi styðji ekki ríkisstjórnina og segir að þau verði að svara fyrir sína afstöðu. Þau studdu ráðherralista VG en greiddu atkvæði gegn stjórnarsáttmálanum á flokksráðsfundi VG í nóvember. Þá sagði Rósa að hún áskildi sér rétt til þess að taka afstöðu til einstakra mála í samræmi við sína sannfæringu. Orð forsætisráðherra um vantraust á einn ráðherra og ríkisstjórnarsamstarfið enduróma orð sem Lilja Rafney Magnúsdóttir og Bjarkey Olsen Gunnarsdóttir, þingmenn VG, létu falla á Alþingi í gær í umræðum um vantraustið. Þar lýstu þær báðar áhyggjum af því að tillagan snerist um ríkisstjórnina í heild. „Níu þingmenn Vinstri grænna meta það svo að ríkisstjórnarsamstarfið sé undir ef að vantraust verður samþykkt. Við myndum líta þannig á ef málið sneri að okkur, annað er einföldun á pólitíkinni,“ sagði Bjarkey til að mynda þegar hún gerði grein fyrir atkvæði sínu í gærkvöldi. Vantrauststillagan kom ekki á óvart Aðspurð hvort að það hafi komið henni á óvart að vantrauststillagan var lögð fram segir hún svo ekki vera. „Nei. Þetta er náttúrulega margboðið og búið að tala um þetta lengi. Ég fór auðvitað yfir það í minni ræðu að mér fyndist ekki fullnægjandi rök fyrir þessari tillögu. Það breytir því ekki að það sem hefur komið fram í dómi Hæstaréttar og héraðsdóms hafi í rauninni legið fyrir í nefndarálitinu sem ég mælti fyrir síðastliðið vor,“ segir Katrín og bætir við að hún teldi það ekki ástæðu til afsagnar heldur ástæðu til að fara yfir málið, nýta tækifærið og fara yfir lagaumgjörð um skipan dómara. „Hæstiréttur kemst að því að ráðherra hafi gerst brotlegur við 10. grein stjórnsýsluréttarins, sem er auðvitað matskennd regla, þannig að mér fannst rökin með vantrausti ekki fullnægjandi fyrir utan að þau voru auðvitað mjög mismunandi hjá stjórnarandstöðunni,“ segir Katrín.En maður veltir því þá fyrir sér hvenær ráðherrar á Íslandi eigi að segja af sér ef það gerist ekki þegar ráðherra hefur fengið á sig dóm fyrir að brjóta lög? „Ég held að lögbrot sé í sjálfu sér ekki mælikvarði á þetta í þessu ljósi. Ég held að það liggi í hinni pólitísku menningu og hjá hverjum og einum hvenær fólk finnur hjá sér þá þörf fyrir að segja af sér. Ég hef nú sagt það líka að ég held að við eigum svolítið langt í land með okkar pólitísku menningu í þá átt,“ segir Katrín. Í byrjun árs skipaði Katrín starfshóp til að efla traust á stjórnmálum og stjórnsýslu. Spurð út í þann hóp í þessu samhengi segir Katrín: „Mín trú er sú að svona breytingar verði ekki á einni nóttu og ég hef heyrt það frá þingmönnum, meira að segja úr mínum eigin flokki að þeim finnist lítið til koma að leggja til slíka vinnu. Ég er bara algjörlega ósammála því. Það sem þarf að gera ef við viljum breyta kerfi þá þarf að huga að því hvar við getum breytt innan kerfisins. Það er auðvitað umhugsunarefni hversu stutt á veg komin við vorum varðandi siðareglur og hagsmunaskráningu fyrir hrun. Enn og aftur erum við kannski ekki í takt við það sem gengur og gerist annars staðar og ég held að það sé mikilvægt að við breytum því kerfislægt.“
Dómstólar Landsréttarmálið Tengdar fréttir Vantrauststillaga Samfylkingar og Pírata felld Tillagan var felld með 33 atkvæðum gegn 29. 6. mars 2018 19:15 Vantrauststillagan sýni að skipan dómara eigi að vera í höndum ráðherra en ekki hæfnisnefndar Dómsmálaráðherra sagðist hafa fylgt lagabókstafnum í einu og öllu við skipan dómara við Landsrétt. 6. mars 2018 18:13 Mest lesið Grunaður hraðbankaþjófur nennti ekki með austur nóttina örlagaríku Innlent Mannskæð skotárás í skóla í Bandaríkjunum Erlent Glímdi við veikindi fyrir andlátið sem breyttu persónuleika hans Innlent Ekki séð neitt þessu líkt á sínum fjörutíu ára ferli Innlent Til skoðunar að flytja Sjálfstæðisflokkinn úr Valhöll Innlent Stefna Open AI vegna sjálfsvígs sonarins Erlent Supu hveljur á fundi með ráðherra á Egilsstöðum Innlent Er við góða líkamlega heilsu en heilinn að „bregðast honum“ Erlent Raðsundlaugarkúkari gengur laus í Oulu Erlent Gátu ekki opnað hraðbankann þrátt fyrir ítrekaðar tilraunir Innlent Fleiri fréttir Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Sjá meira
Vantrauststillaga Samfylkingar og Pírata felld Tillagan var felld með 33 atkvæðum gegn 29. 6. mars 2018 19:15
Vantrauststillagan sýni að skipan dómara eigi að vera í höndum ráðherra en ekki hæfnisnefndar Dómsmálaráðherra sagðist hafa fylgt lagabókstafnum í einu og öllu við skipan dómara við Landsrétt. 6. mars 2018 18:13