Menning

Áslaug, Kristín og Unnur handhafar Íslensku bókmenntaverðlaunanna

Kristín Ólafsdóttir skrifar
Unnur Jökulsdóttir, Kristín Eiríksdóttir og Áslaug Jónsdóttir eru handhafar Íslensku bókmenntaverðlaunanna fyrir árið 2017.
Unnur Jökulsdóttir, Kristín Eiríksdóttir og Áslaug Jónsdóttir eru handhafar Íslensku bókmenntaverðlaunanna fyrir árið 2017. Vísir/Anton Brink
Þær Áslaug Jónsdóttir, Kristín Eiríksdóttir og Unnur Jökulsdóttir hlutu í kvöld Íslensku bókmenntaverðlaunin fyrir árið 2017. Guðni Th. Jóhannesson, forseti Íslands, afhenti verðlaunin við hátíðlega athöfn á Bessastöðum í kvöld.



Kristín Eiríksdóttir hlaut verðlaunin í flokki fagurbókmennta fyrir skáldsögu sína Elín, ýmislegt. Þá hlaut Áslaug Jónsdóttir verðlaunin í flokki barna- og ungmennabóka, ásamt Rakel Helmsdal og Kalle Güettler, fyrir bókina Skrímsli í vanda. Unnur Jökulsdóttir bar svo sigur úr býtum í flokki fræðirita og bóka almenns efnis fyrir bókina Undur Mývatns: Um fugla, flugur, fiska og fólk.



Þetta er í 29. sinn sem Íslensku bókmenntaverðlaunin eru haldin en það hefur aðeins einu sinni gerst áður að konur hljóti verðlaunin í öllum flokkum, eða árið 1994. Þá vekur athygli að Ingibjörg Haraldsdóttir, rithöfundur og móðir Kristínar Eiríksdóttir, hlaut Íslensku bókmenntaverðlaunin árið 2002 fyrir bók sína Hvar sem ég verð. Þær mæðgur eru því handhafar sömu verðlauna. 



Íslensku bókmenntaverðlaunin nema einni milljón króna fyrir hvert verðlaunaverk og eru kostuð af Félagi íslenskra bókaútgefenda. Verðlaunaverkin voru valin af fjögurra manna lokadómnefnd en í desember á síðasta ári voru fimm bækur tilnefndar í hverjum flokki.



Lokadómnefndina skipuðu Helga Ferdinandsdóttir, Hulda Proppé, Sigurjón Kjartansson og Gísli Sigurðsson, sem gegndi stöðu formanns nefndarinnar.



Eftirfarandi bækur voru tilnefndar til Íslensku bókmenntaverðlaunanna þann 1. desember síðastliðinn:



Fræðirit og bækur almenns efnis:



Karl Aspelund og Terry Gunnell, ritstjórar

Málarinn og menningarsköpun: Sigurður Guðmundsson og Kvöldfélagið 1858-1874

Útgefandi: Þjóðminjasafn Íslands og Bókaútgáfan Opna



Steinunn Kristjánsdóttir 

Leitin að klaustrunum: Klausturhald á Íslandi í fimm aldir

Útgefandi: Sögufélag í samstarfi við Þjóðminjasafn Íslands



Sumarliði R. Ísleifsson, ritstjóri

Líftaug landsins: Saga íslenskrar utanlandsverslunar 900-2010

Útgefandi: Skrudda



Unnur Þóra Jökulsdóttir

Undur Mývatns: -um fugla, flugur, fiska og fólk

Útgefandi: Mál og menning



Vilhelm Vilhelmsson

Sjálfstætt fólk: Vistarband og íslenskt samfélag á 19. öld

Útgefandi: Sögufélag



Dómnefnd skipuðu:Hulda Proppé, formaður nefndar, Knútur Hafsteinsson og Þórunn Sigurðardóttir.



Barna- og ungmennabækur:



Áslaug Jónsdóttir, Rakel Hemsdal og Kalle Güettler

Skrímsli í vanda

Útgefandi: Mál og menning



Elísa Jóhannsdóttir

Er ekki allt í lagi með þig?

Útgefandi: Vaka-Helgafell



Hjörleifur Hjartarson og Rán Flygenring

Fuglar

Útgefandi: Angústúra



Kristín Helga Gunnarsdóttir

Vertu ósýnilegur: Flóttasaga Ishmaels

Útgefandi: Mál og menning



Ævar Þór Benediktsson

Þitt eigið ævintýri

Útgefandi: Mál og menning



Dómnefnd skipuðu:Sigurjón Kjartansson, formaður nefndar, Hildigunnur Sverrisdóttir og Anna Þorbjörg Ingólfsdóttir.



Fagurbókmenntir:



Bergþóra Snæbjörnsdóttir

Flórída

Útgefandi: Benedikt bókaútgáfa



Jón Kalman Stefánsson

Saga Ástu

Útgefandi: Benedikt bókaútgáfa



Kristín Eiríksdóttir

Elín, ýmislegt

Útgefandi: JPV útgáfa



Kristín Ómarsdóttir

Kóngulær í sýningargluggum

Útgefandi: JPV útgáfa



Ragnar Helgi Ólafsson

Handbók um minni og gleymsku

Útgefandi: Bjartur



Dómnefnd skipuðu:Helga Ferdinandsdóttir, formaður nefndar, Bergsteinn Sigurðsson og Steingrímur Þórðarson.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.