

(Geð)Heilsudagurinn
Könnun sviðsráðs varðandi streitu var send á 2317 virk tölvupóstföng nemenda við Heilbrigðisvísindasvið fyrir áramót og 809 nemendur svöruðu. Svarhlutfallið var því 35%. Af þeim voru 627 nemendur (78%) í grunnnámi en 182 nemendur (22%) í framhaldsnámi.
Helstu niðurstöður könnunar okkar eru eftirfarandi. Aðeins 85 einstaklingar (10,5%) vissu hvaða úrræði í tengslum við álag og andlega líðan eru í boði innan Háskóla Íslands. Af 809 nemendum höfðu 110 einstaklingar (14%) þurft að seinka sér eða taka hlé frá námi vegna of mikils álags, 178 eintaklingar (22%) hafa verið greindir með geðröskun og 609 einstaklingar (75%) höfðu upplifað erfiðleika með einbeitingu eða minni síðustu tvær vikurnar.
Samkvæmt erlendum rannsóknum nýta 10-18% nemenda í háskólum geðheilbrigðistengda þjónustu þegar hún er í boði í skólanum. Umræða síðustu missera hefur í meiri mæli beinst að úrræðum í samfélaginu og á heilsugæslustöðvum en rannsóknir sýna að nemendur vilja nýta sér þjónustu í nærumhverfi sínu, sem er innan veggja háskólans. Nemendur koma frá öllum landshlutum í háskólann og hafa oft hvorki skráðann heimilislækni né stöð. Einnig hafa rannsóknir sýnt að yngra fólk er líklegra en aðrir aldurshópar til að fresta heimsókn til heimilislæknis. Sömuleiðis geta úrræði í samfélaginu orðið kostnaðarsöm og þá má líta til þess að margir nemendur eru á námslánum sem duga ekki fyrir 100% framfærslu eins og staðan er í dag og því standa nemendur oft frammi fyrir fjárhagsörðugleikum.
Samkvæmt rannsókn frá 2012 um sálfræðilega streitu meðal kvenstúdenta við Háskóla Íslands töldu 28% sig þurfa geðheilbrigðisþjónustu og flestir upplifðu frá vægu og upp í meðallagi þunglyndi og kvíða, sem bendir til þörf á forvörnum eða íhlutun fyrr. Það sýnir því að úrræðin geta verið margvísleg og fjölbreytt, til dæmis fjölgun stöðugilda sálfræðinga við skólann en ekki síður geta hjúkrunarfræðingar stigið inn og sinnt forvörnum og snemmbúnum inngripum. Skólahjúkrunarfræðingar eru til staðar í grunnskólum landsins og fjölmörgum framhaldsskólum en ekki innan veggja háskólans sem tíðkast þó erlendis. Einnig gefur könnun sviðsráðs vísbendingar um að þau úrræði sem eru nú þegar í boði þurfi að vera mun sýnilegri.
Við í sviðsráði Heilbrigðisvísindasviðs sinnum hagsmunabaráttu. Meðal hlutverka okkar er að hreyfa við stjórnum háskólans og stjórnvöldum landsins og þrýsta á úrbætur. Við gerð þessarar könnunar og kynningu á niðurstöðum hennar komu í ljós rannsóknir sem verið er að framkvæma í ýmsum deildum, auk rannsókna sem stendur til að framkvæma, og það verður að teljast jákvætt að opna á þessa mikilvægu umræðu þvert á milli deilda. Sömuleiðis hefur þessi könnun skapað umræðuvettvang milli nemenda og stjórnsýslu og einhugur virðist vera um að huga þurfi að úrbótum í geðheilbrigðisþjónustu háskólanema. Nú þurfum við í sameiningu að láta það verða að veruleika.
Elísabet Brynjarsdóttir, formaður sviðsráðs Heilbrigðisvísindasviðs.
Skoðun

48 daga blekking: Loforð sem leiðir til lögbrota?
Svanur Guðmundsson skrifar

Frá vinnuþræli til ríkisborgara: Ég er innflytjandi sem þið getið ekki losnað við
Ian McDonald skrifar

Málþóf á kostnað ungs fólks
Lísa Margrét Gunnarsdóttir skrifar

Tóbakslausar nikótínvörur - Tímabært að horfast í augu við staðreyndir
Bjarni Freyr Guðmundsson skrifar

Ómeðvituð vörn í orðræðu – þegar vald ver sjálft sig
Þórdís Hólm Filipsdóttir skrifar

Við krefjumst sanngirni og aðgerð strax
Dagmar Valsdóttir skrifar

Verið öll hjartanlega velkomin á Unglingalandsmót á Egilsstöðum
Jónína Brynjólfsdóttir skrifar

Úrsúla og öryggismálin - Stöndum gegn vígvæðingu
Guttormur Þorsteinsson skrifar

Verðmætatap auðlindagjaldanna – Hverra og hvernig?
Haukur V. Alfreðsson skrifar

Ertu nú alveg viss um að hafa læst hurðinni?
Sanna Magdalena Mörtudóttir skrifar

Sanngirni að brenna 230 milljarða króna?
Björn Leví Gunnarsson skrifar

Strandveiðar eru ekki sóun
Örn Pálsson skrifar

„Ísland mun taka þátt í þvingunaraðgerðum gegn Ísrael náist samstaða fleiri ríkja“
Einar Ólafsson skrifar

SFS skuldar
Sigurjón Þórðarson skrifar

Hvar er hjálpin sem okkur var lofað?
Dagmar Valsdóttir skrifar

Áform um fleiri strandveiðidaga: Áhættusöm ákvörðun
Svanur Guðmundsson skrifar

Í nafni „sanngirni“ brenndi ríkisstjórn 230 milljörðum – lífeyrir landsmanna fór á bálið
Elliði Vignisson skrifar

Flugnám - Fjórði hluti: Hlutverk Reykjavíkurflugvallar í flugnámi
Matthías Arngrímsson skrifar

Slítum stjórnmálasambandi við Ísrael!
Ólafur Ingólfsson skrifar

Aukið við sóun með einhverjum ráðum
Heiðrún Lind Marteinsdóttir skrifar

Kæru valkyrjur, hatrið sigraði líklega í þetta skiptið
Arnar Laxdal skrifar

Vönduð vinnubrögð - alltaf!
Jóna Bjarnadóttir skrifar

Ríkisstjórnin stóð af sér áhlaup sérhagsmuna
Ásthildur Lóa Þórsdóttir skrifar

Stjórnmál sem virka og lýðræði sem kemst ekki fyrir í umslagi
Þórður Snær Júlíusson skrifar

Þversögn Íslands í Palestínumálinu: Um fullveldi, samsekt og réttarríkið
Gína Júlía Waltersdóttir skrifar

Tvöföld bið eftir geislameðferð er of löng
Katrín Sigurðardóttir skrifar

Fröken þjóðarmorð: Þér er ekki boðið!
Linda Ósk Árnadóttir,Yousef Ingi Tamimi skrifar

Linsa Lífsins
Matthildur Björnsdóttir skrifar

„Að skrifa söguna“ Var of mikið undir hjá kvennalandsliðinu?
Viðar Halldórsson skrifar

Gervigreind í skólum: Tækifæri til byltingar eða hætta á nýjum ójöfnuði?
Sigvaldi Einarsson skrifar