Fátækt og fótboltahefð í París býr til flesta leikmennina á HM Tómas Þór Þórðarson skrifar 9. júlí 2018 12:00 Kylian Mbappé og Paul Pogba eru báðir frá París og eru synir innflytjenda. vísir/getty Frakkland á 50 leikmenn á HM 2018 í fótbolta þrátt fyrir að aðeins 23 leikmenn eru leyfðir í hópi hverrar þjóðar á heimsmeistaramótinu. Bara Parísarborg á sextán leikmenn en ekki allir spila fyrir franska landsliðið. Þetta kemur fram í áhugaverðri fréttaskýringu bandarísku fréttasíðunnar VOX en alls eru 82 leikmenn af þeim 736 sem voru skráðir til leiks á HM ekki að spila fyrir landið sem þeir fæddust í. Regluverk Alþjóðaknattspyrnusambandsins, FIFA, gerir fótboltamönnum kleift að spila fyrir önnur landslið en sína heimaþjóð ef þeir hafa augljósa tengingu við annað land. Ef foreldrar þeirra, afar eða ömmur eru fædd í öðru landi mega leikmenn spila fyrir þá þjóð. Eins og við Íslendingar vitum er nóg að hafa fæðst í Bandaríkjunum en þannig var Aroni Jóhannssyni leyft að verða Bandaríkjamaður í augum fótboltans þar sem að hann fæddist í Alabama og bjó þar fyrstu þrjú ár ævi sinnar.Frönsku leikmennirnir eru margir synir innflytjenda.vísir/gettyAkademían af stað Engin þjóð er fjölmennari á HM en Frakkland. Fyrir utan 21 leikmann af 23 í hópi franska landsliðsins sem fæddust í Frakklandi (Steve Mandanda, Zaire, og Samuel Umtiti, Kamerún) voru 29 leikmenn sem fæddust í Frakklandi í öðrum landsliðum. Brasilíumenn voru í heildina 28 (23 í Brasilíu og fimm í öðrum liðum) en Frakkar eru lang fjölmennastir. Frakkar hafa átt flesta leikmenn og þjálfara á síðustu fjórum heimsmeistaramótum og yfirburðir landsins aukast jafnt og þétt með árunum, en hver er galdurinn? Frakkland var í ruglinu þegar að kom að fótbolta eftir seinni heimsstyrjöldina og mistókst að komast á þrjú heimsmeistaramót og þrenn Evrópumót frá 1960-1974. Þá settu Frakkar fótinn niður og ákváðu að gera eitthvað í málunum. Þeir settu á laggirnar eina af fyrstu stóru fótboltaakademíunum. Hún var búin til í Vichy, inn á miðju landi, árið 1972. Tveimur árum síðar fór franska fótboltasambandið í samstarf með félögunum í landinu til að stækka hæfileikanetið og þannig komust að bestu leikmenn Frakklands frá öllum borgum og bæjum landsins. Það var svo árið 1988 sem að akademían var flutt til úthverfis nálægt París sem heitir Clairefontaine en fótboltaáhugamenn hafa eflaust heyrt talað um þetta fallega skóglendi þar sem að franska landsliðið æfir þegar að það er á heimavelli.1998-liðið breytti landslaginu.mynd/voxFlott fyrir fjölmenningu Upp úr 1990 var Clairefontaine strax farið að skila árangri en þaðan komu margir frábærir leikmenn sem á enduðum skipuðu franska landsliðið árið 1998 sem varð heimsmeistari og Evrópumeistari tveimur árum síðar. Sigurinn á HM 1998 var ekki síður góður fyrir fótboltann í Frakklandi heldur líka samfélagið því margir leikmenn heimsmeistaraliðsins voru innflytjendur eða synir innflytjenda. Þetta gerði mikið fyrir Frakkland sem fjölmenningarsamfélag. Besti leikmaður liðsins og maðurinn sem skoraði tvö mörk í úrslitaleiknum, Zinedine Zidane, var sonur innflytjenda og þarna voru einnig menn á borð við Marcel Desailly, Patrick Viera, Thierry Henry, Lillan Thuran og Youri Djorkaeff. Liðið var kallað „Black, Blanc, Beur,“ sem þýðir „Svartir, hvítir, arabar,“ en það var tenging við litina þrjá í franska fánanum. Það voru ekki allir ánægðir með þessa „aðkomumenn“ eins og stjórnmálamaðurinn Jean-Marie Le Pen en þrátt fyrir rasísk ummæli hans gladdist franska þjóðin yfir hetjunum sínum.Átta leikmenn í liði Frakka eru frá París eða úthverfum borgarinnar.mynd/voxParís skilar flestum Það kemur kannski ekkert gríðar á óvart að Parísarborg skili flestum fótboltamönnum Frakklands þar sem ríflega tvær milljónir búa í borginni. En, það er meira á bakvið þá tölu. Um 38 prósent allra innflytjenda í Frakklandi setjast að í borginni. Þeir reyndar búa ekki inn í París heldur í hverfum sem kallast á frönsku Banlieues sem þýðir bókstaflega Úthverfi. Þeir setjast því að í úthverfum Parísar í bókstaflegri merkingu. Þetta eru að stóru leyti fátækrarhverfi þar sem óeirðir eru regluleg vandamál en þarna er mikið atvinnuleysi, mikil fátækt og glæpatíðni er há. Þrátt fyrir þetta halda úthverfin áfram að skila flestum fótboltamönnum Frakklands. Þetta er nefnilega staðurinn þar sem að rík hefð innflytjenda mætir fótboltahefð landsins. Frá HM 2002 hefur fjöldi leikmanna á HM fæddir í París haldið áfram að aukast en í heildina voru sextán leikmenn HM 2018 fæddir í París eða úthverfunum. Átta leikmenn af 23 í franska hópnum eru úr úthverfunum, allir synir innflytjenda. Einn þeirra er ungstirnið Kylian Mbappé. Hann er einskonar táknmynd franska fótboltans eins og hann kemur fyrir sjónir á HM með þessa innflytjendahefð. Hann er fæddur í úthverfunum, faðir hans er frá Alsír og móðir hans frá Kamerún, og hann lærði sín fótboltafræði í Clairefontaine.Mehdi Benatia, fyrirliði Marokkó, er frá París.vísir/gettyLeikmenn úti um allt Vegna regluverks FIFA sem gerir leikmönnum kleift að spila fyrir önnur lönd en þau sem menn fæðast í á Frakkland leikmenn í landsliðum Fílabeinsstrandarinnar, Marokkó, Alsír, Portúgal og Tógó svo dæmi séu tekin. Fjórir leikmenn í landsliði Senegal á HM 2018 eru ekki bara Frakkar heldur uppaldir Parísarbúar. Þá á Frakkland einn leikmann í liði Túnis auk þess sem Mehdi Benatia, fyrirliði Marokkó, og Portúgalinn Raphaël Guerreiro eru fæddir í Frakklandi. Þetta er það sem gerir franskan fótbolta svo einstakan. Rík hefð innflytjenda, sérstaklega í París, í bland við ríka fótboltahefð og mikla fótboltasögu býr ekki bara til leikmenn fyrir franska landsliðið heldur fyrir lönd út um allan heim. Þessi nýja kynslóð franska landsliðsins getur svo fetað í fótspor brautryðjendanna sem urðu heimsmeistarar fyrir 20 ár en Frakkar mæta Belgum í undanúrslitum HM 2018 annað kvöld. Alla fréttaskýringu VOX má sjá hér að neðan. HM 2018 í Rússlandi Mest lesið Bakgarðshlaupið í beinni útsendingu Sport Féllu á meðan þjálfarinn sem þeir ráku hélt Blackburn uppi Enski boltinn Fengu myndsímtal frá Ed Sheeran í búningsklefanum Enski boltinn Hetja Keflvíkinga hafði aldrei áður skorað svona flautukörfu á ferlinum Körfubolti „Ég sakna hennar á hverjum degi“ Handbolti Segir „mjög líklegt“ að Guðlaug Edda komist á ÓL í París í sumar Sport Búið að fjarlægja auglýsingarnar af gólfinu í Smáranum Körfubolti Lehmann keypti „Invincibles“ nafnið eftir að Arsenal sofnaði á verðinum Enski boltinn Í beinni: Liverpool - Tottenham | Næstsíðasti heimaleikur Klopp Enski boltinn Markaveisla hjá Chelsea á móti nágrönnum sínum Enski boltinn Fleiri fréttir Sjáðu frábært mark hjá Arnóri Ingva sem dugði þó skammt Í beinni: Stjarnan - ÍA | Nær Stjarnan að skína gegn Skaganum? Langt hlé gert á leik hjá Guðrúnu vegna mikillar rigningar Jón Dagur lagði upp mark Í beinni: AC Milan - Genoa | Verður Albert í markaskónum? Í beinni: KA-KR | Tvö lið í brasi mætast Birkir skoraði fyrir Brescia Í beinni: Liverpool - Tottenham | Næstsíðasti heimaleikur Klopp Katla tryggði Kristianstad sigur Markaveisla hjá Chelsea á móti nágrönnum sínum Andri Lucas skoraði og Andri Fannar fagnaði sigri á toppliðinu PSV Eindhoven hollenskur meistari í fyrsta sinn í sex ár Lehmann keypti „Invincibles“ nafnið eftir að Arsenal sofnaði á verðinum Sjáðu Andra Rúnar opna reikninginn og mörkin sem færðu FH sigur Messi með ótrúlegt stoðsendingmet í MLS deildinni í nótt Fengu myndsímtal frá Ed Sheeran í búningsklefanum Segir að móðurhlutverkið hafi gert sig að betri leikmanni Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Girona í fyrsta sinn í Meistaradeild Evrópu og tryggði Real í leiðinni titilinn Skoraði fernu og Englandsmeistararnir halda í við Skytturnar „Lítur ekki vel út með Elmar, ég er hræddur um að þetta sé svipað og hjá Eiði“ Real Madrid náði fjórtán stiga forskoti á toppnum Kane skoraði en Bayern tapaði Newcastle fór illa með Jóa Berg og félaga á Turf Moor Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Kristín Dís og Þórdís fögnuðu sigri en það gekk illa hjá Halmstad strákunum Sjá meira
Frakkland á 50 leikmenn á HM 2018 í fótbolta þrátt fyrir að aðeins 23 leikmenn eru leyfðir í hópi hverrar þjóðar á heimsmeistaramótinu. Bara Parísarborg á sextán leikmenn en ekki allir spila fyrir franska landsliðið. Þetta kemur fram í áhugaverðri fréttaskýringu bandarísku fréttasíðunnar VOX en alls eru 82 leikmenn af þeim 736 sem voru skráðir til leiks á HM ekki að spila fyrir landið sem þeir fæddust í. Regluverk Alþjóðaknattspyrnusambandsins, FIFA, gerir fótboltamönnum kleift að spila fyrir önnur landslið en sína heimaþjóð ef þeir hafa augljósa tengingu við annað land. Ef foreldrar þeirra, afar eða ömmur eru fædd í öðru landi mega leikmenn spila fyrir þá þjóð. Eins og við Íslendingar vitum er nóg að hafa fæðst í Bandaríkjunum en þannig var Aroni Jóhannssyni leyft að verða Bandaríkjamaður í augum fótboltans þar sem að hann fæddist í Alabama og bjó þar fyrstu þrjú ár ævi sinnar.Frönsku leikmennirnir eru margir synir innflytjenda.vísir/gettyAkademían af stað Engin þjóð er fjölmennari á HM en Frakkland. Fyrir utan 21 leikmann af 23 í hópi franska landsliðsins sem fæddust í Frakklandi (Steve Mandanda, Zaire, og Samuel Umtiti, Kamerún) voru 29 leikmenn sem fæddust í Frakklandi í öðrum landsliðum. Brasilíumenn voru í heildina 28 (23 í Brasilíu og fimm í öðrum liðum) en Frakkar eru lang fjölmennastir. Frakkar hafa átt flesta leikmenn og þjálfara á síðustu fjórum heimsmeistaramótum og yfirburðir landsins aukast jafnt og þétt með árunum, en hver er galdurinn? Frakkland var í ruglinu þegar að kom að fótbolta eftir seinni heimsstyrjöldina og mistókst að komast á þrjú heimsmeistaramót og þrenn Evrópumót frá 1960-1974. Þá settu Frakkar fótinn niður og ákváðu að gera eitthvað í málunum. Þeir settu á laggirnar eina af fyrstu stóru fótboltaakademíunum. Hún var búin til í Vichy, inn á miðju landi, árið 1972. Tveimur árum síðar fór franska fótboltasambandið í samstarf með félögunum í landinu til að stækka hæfileikanetið og þannig komust að bestu leikmenn Frakklands frá öllum borgum og bæjum landsins. Það var svo árið 1988 sem að akademían var flutt til úthverfis nálægt París sem heitir Clairefontaine en fótboltaáhugamenn hafa eflaust heyrt talað um þetta fallega skóglendi þar sem að franska landsliðið æfir þegar að það er á heimavelli.1998-liðið breytti landslaginu.mynd/voxFlott fyrir fjölmenningu Upp úr 1990 var Clairefontaine strax farið að skila árangri en þaðan komu margir frábærir leikmenn sem á enduðum skipuðu franska landsliðið árið 1998 sem varð heimsmeistari og Evrópumeistari tveimur árum síðar. Sigurinn á HM 1998 var ekki síður góður fyrir fótboltann í Frakklandi heldur líka samfélagið því margir leikmenn heimsmeistaraliðsins voru innflytjendur eða synir innflytjenda. Þetta gerði mikið fyrir Frakkland sem fjölmenningarsamfélag. Besti leikmaður liðsins og maðurinn sem skoraði tvö mörk í úrslitaleiknum, Zinedine Zidane, var sonur innflytjenda og þarna voru einnig menn á borð við Marcel Desailly, Patrick Viera, Thierry Henry, Lillan Thuran og Youri Djorkaeff. Liðið var kallað „Black, Blanc, Beur,“ sem þýðir „Svartir, hvítir, arabar,“ en það var tenging við litina þrjá í franska fánanum. Það voru ekki allir ánægðir með þessa „aðkomumenn“ eins og stjórnmálamaðurinn Jean-Marie Le Pen en þrátt fyrir rasísk ummæli hans gladdist franska þjóðin yfir hetjunum sínum.Átta leikmenn í liði Frakka eru frá París eða úthverfum borgarinnar.mynd/voxParís skilar flestum Það kemur kannski ekkert gríðar á óvart að Parísarborg skili flestum fótboltamönnum Frakklands þar sem ríflega tvær milljónir búa í borginni. En, það er meira á bakvið þá tölu. Um 38 prósent allra innflytjenda í Frakklandi setjast að í borginni. Þeir reyndar búa ekki inn í París heldur í hverfum sem kallast á frönsku Banlieues sem þýðir bókstaflega Úthverfi. Þeir setjast því að í úthverfum Parísar í bókstaflegri merkingu. Þetta eru að stóru leyti fátækrarhverfi þar sem óeirðir eru regluleg vandamál en þarna er mikið atvinnuleysi, mikil fátækt og glæpatíðni er há. Þrátt fyrir þetta halda úthverfin áfram að skila flestum fótboltamönnum Frakklands. Þetta er nefnilega staðurinn þar sem að rík hefð innflytjenda mætir fótboltahefð landsins. Frá HM 2002 hefur fjöldi leikmanna á HM fæddir í París haldið áfram að aukast en í heildina voru sextán leikmenn HM 2018 fæddir í París eða úthverfunum. Átta leikmenn af 23 í franska hópnum eru úr úthverfunum, allir synir innflytjenda. Einn þeirra er ungstirnið Kylian Mbappé. Hann er einskonar táknmynd franska fótboltans eins og hann kemur fyrir sjónir á HM með þessa innflytjendahefð. Hann er fæddur í úthverfunum, faðir hans er frá Alsír og móðir hans frá Kamerún, og hann lærði sín fótboltafræði í Clairefontaine.Mehdi Benatia, fyrirliði Marokkó, er frá París.vísir/gettyLeikmenn úti um allt Vegna regluverks FIFA sem gerir leikmönnum kleift að spila fyrir önnur lönd en þau sem menn fæðast í á Frakkland leikmenn í landsliðum Fílabeinsstrandarinnar, Marokkó, Alsír, Portúgal og Tógó svo dæmi séu tekin. Fjórir leikmenn í landsliði Senegal á HM 2018 eru ekki bara Frakkar heldur uppaldir Parísarbúar. Þá á Frakkland einn leikmann í liði Túnis auk þess sem Mehdi Benatia, fyrirliði Marokkó, og Portúgalinn Raphaël Guerreiro eru fæddir í Frakklandi. Þetta er það sem gerir franskan fótbolta svo einstakan. Rík hefð innflytjenda, sérstaklega í París, í bland við ríka fótboltahefð og mikla fótboltasögu býr ekki bara til leikmenn fyrir franska landsliðið heldur fyrir lönd út um allan heim. Þessi nýja kynslóð franska landsliðsins getur svo fetað í fótspor brautryðjendanna sem urðu heimsmeistarar fyrir 20 ár en Frakkar mæta Belgum í undanúrslitum HM 2018 annað kvöld. Alla fréttaskýringu VOX má sjá hér að neðan.
HM 2018 í Rússlandi Mest lesið Bakgarðshlaupið í beinni útsendingu Sport Féllu á meðan þjálfarinn sem þeir ráku hélt Blackburn uppi Enski boltinn Fengu myndsímtal frá Ed Sheeran í búningsklefanum Enski boltinn Hetja Keflvíkinga hafði aldrei áður skorað svona flautukörfu á ferlinum Körfubolti „Ég sakna hennar á hverjum degi“ Handbolti Segir „mjög líklegt“ að Guðlaug Edda komist á ÓL í París í sumar Sport Búið að fjarlægja auglýsingarnar af gólfinu í Smáranum Körfubolti Lehmann keypti „Invincibles“ nafnið eftir að Arsenal sofnaði á verðinum Enski boltinn Í beinni: Liverpool - Tottenham | Næstsíðasti heimaleikur Klopp Enski boltinn Markaveisla hjá Chelsea á móti nágrönnum sínum Enski boltinn Fleiri fréttir Sjáðu frábært mark hjá Arnóri Ingva sem dugði þó skammt Í beinni: Stjarnan - ÍA | Nær Stjarnan að skína gegn Skaganum? Langt hlé gert á leik hjá Guðrúnu vegna mikillar rigningar Jón Dagur lagði upp mark Í beinni: AC Milan - Genoa | Verður Albert í markaskónum? Í beinni: KA-KR | Tvö lið í brasi mætast Birkir skoraði fyrir Brescia Í beinni: Liverpool - Tottenham | Næstsíðasti heimaleikur Klopp Katla tryggði Kristianstad sigur Markaveisla hjá Chelsea á móti nágrönnum sínum Andri Lucas skoraði og Andri Fannar fagnaði sigri á toppliðinu PSV Eindhoven hollenskur meistari í fyrsta sinn í sex ár Lehmann keypti „Invincibles“ nafnið eftir að Arsenal sofnaði á verðinum Sjáðu Andra Rúnar opna reikninginn og mörkin sem færðu FH sigur Messi með ótrúlegt stoðsendingmet í MLS deildinni í nótt Fengu myndsímtal frá Ed Sheeran í búningsklefanum Segir að móðurhlutverkið hafi gert sig að betri leikmanni Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Girona í fyrsta sinn í Meistaradeild Evrópu og tryggði Real í leiðinni titilinn Skoraði fernu og Englandsmeistararnir halda í við Skytturnar „Lítur ekki vel út með Elmar, ég er hræddur um að þetta sé svipað og hjá Eiði“ Real Madrid náði fjórtán stiga forskoti á toppnum Kane skoraði en Bayern tapaði Newcastle fór illa með Jóa Berg og félaga á Turf Moor Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Kristín Dís og Þórdís fögnuðu sigri en það gekk illa hjá Halmstad strákunum Sjá meira