Klappað fyrir Obama í New York

Hópur vegfarenda hyllti Barack Obama, fyrrverandi Bandaríkjaforseta, þegar forsetinn gekk inn í bifreið á Manhattan í gær. 

Barack Obama er staddur í New York nú um helgina ásamt dóttur sinni Maliu en rétt rúmur mánuður er liðinn frá því að hann lét af embætti. Í kjölfarið fór Obama-fjölskyldan fór í frí í Karíbahafið í lok janúar þar sem forsetinn fyrrverandi prófaði sjóskíði.

Í gærkvöldi fóru feðginin í leikhús á Broadway og sáu sýninguna Gjaldið eftir Arthur Miller.

Eftir sýninguna létu þau taka af sér hópmynd með leikurum sýningarinnar, þar á meðal Danny Devito og Mark Ruffalo.

Hafa fjölmiðlar gert grín að myndinni og þykir hún hálf vandræðaleg en á henni má sjá hvernig Malia Obama heldur í hönd DeVito og Barack Obama styður hönd sinni föðurlega á öxl hans.

Obama-feðginunum var fagnað víða í New York en ítalski veitingastaðurinn Ballatos birti mynd af þeim á Instagram ásamt starfsfólki og kokkum. 

Obama sighting in Flatiron: https://t.co/vxdi4htP1j pic.twitter.com/kowtqnif9W

— Allan Smith (@akarl_smith) February 24, 2017

We are so honored to have had President @BarackObama in our theater this evening for #ThePriceBway! @brugli pic.twitter.com/62jNnC0FMX

— Roundabout Theatre (@RTC_NYC) February 25, 2017