Jóga á Hornströndum Sigríður Inga Sigurðardóttir skrifar 28. mars 2017 14:15 Gróu finnst Hornstrandir magnaðar og töfrum líkar. VÍSIR/ERNIR Gróa Másdóttir lærði fornleifafræði en hefur kennt jóga í meira en áratug. Hún undirbýr jógaferð á Hornstrandir í sumar. Hornstrandir eru alveg magnaðar og töfrum líkast að vera þar. Náttúran er ósnortin, litirnir og kyrrðin eru engu lík. Meira að segja vatnið er betra þar en annars staðar. Þetta skilja allir sem hafa komið til Hornstranda,“ segir Gróa, sem dvaldi þar í nokkra daga í fyrrasumar. „Ég fór í jógaferð sem starfsmaður á plani. Vinkona mín, Björk Sigurðardóttir, hefur farið oft þangað og þekkir svæðið eins og lófann á sér. Hún vildi sýna mér gönguleiðir og kynna mér þær vel svo ég geti farið sjálf með hópa. Við sigldum frá Bolungarvík lengst inn í Jökulfirði og fórum í land í Lónafirði. Við gengum yfir Snókaheiði og í Hrollaugsvík og þaðan yfir í Látravík og Hornbjargsvita. Þar gistum við í þrjár nætur. Við fórum í eina langa göngu og höfðum einn hvíldardag þar sem við m.a. skoðuðum Látravíkina,“ rifjar Gróa upp en hún lærði leiðsögn og er vön að ferðast um landið með hópa. „Stígshús og Frímannshús í Hornvík. Mér fannst ég vera komin inn í atriði í Börnum náttúrunnar þegar ég var þarna,“ segir Gróa.Paradís í góðu veðriGróa gekk einnig með hópnum yfir Almenningsskarð og í Hornvík og alla leið út á Horn sem strandirnar eru nefndar eftir. „Við vorum frekar heppin með veður. Margir segja að Hornstrandir séu eins og Paradís í góðu veðri, en hreint helvíti í vondu veðri og ég trúi að það sé nokkuð til í því,“ segir hún. „Þetta góða veður hafði þau áhrif að okkur fannst allt svo gott. Vitavörðurinn eldaði fyrir okkur bestu kjötsúpu sem við höfum smakkað. Við fengum bestu fiskibollurnar, búnar til úr nýveiddum þorski, nýbakað brauð og svo tíndu nokkrir úr hópnum hráefni í salat, m.a. skarfakál. Þetta var allt svo dásamlegt."Á leiðinni út á Horn. Hornvík í bakgrunni og Hælavíkurbjarg til vinstri við víkina.Njóta en ekki þjótaTilgangurinn með ferðinni var að njóta en ekki þjóta, lifa í núinu, og upplifa staðinn. „Einnig gerðum við léttar jógaæfingar,“ segir Gróa. Undirbúningur fyrir næstu ferð er í fullum gangi en í sumar fer hún til Hornstranda ásamt Þórlaugu Sveinsdóttur, á vegum Ferðafélags Íslands. Gróa mælir með að þeir sem vilji koma með þjálfi sig vel fyrir ferðina. „Við munum ganga þrjár til fjórar dagleiðir upp um fjöll og firnindi. Þess vegna er gott fyrir fólk að vera í góðu formi. Við ætlum þó ekki að hlaupa þetta, heldur ganga á góðum en stöðugum hraða svo hægt sé að njóta umhverfisins og fá sem mest út úr ferðinni.“Kennir jakkafatajógaSjálf byrjaði Gróa að stunda jóga fyrir fimmtán árum og eftir það varð ekki aftur snúið. „Ég hef verið jógakennari síðan 2005. Ég kenndi í tólf ár hjá World Class en hætti um áramótin og vinn núna fyrir Jakkafatajóga. Við förum inn í fyrirtæki og kennum fólki léttar jógaæfingar. Það er svakalega skemmtilegt. Ég hef kynnst fjölda fyrirtækja sem ég vissi ekki einu sinni að væru til. Jóga er eins og verkfæri í verkfæratöskunni hjá fólki til að láta sér líða vel,“ segir Gróa sem ætlar að kynna Jógaferðina í húsnæði Ferðafélagsins í Mörkinni 6 í kvöld kl.20. Mest lesið Fann fíkniefnin strax Lífið Falleg tónlist GDRN hljómaði ekki nógu vel Gagnrýni Inga Lind selur íbúð við Valshlíð Lífið Fleiri sniðgengu en ekki Lífið Magnús Scheving og Hrefna glæsileg á opnun Sjálands Lífið Jón og Hafdís festu kaup á einbýli með bátaskýli Lífið Von á ákæru eftir spennuþrungna daga í Malmö Lífið Þátttaka Ísraela hafi skemmt mikið Lífið Fá í fyrsta sinn að klæðast strigaskóm Tíska og hönnun Biggi Maus breiðir yfir Frikka Dór Lífið Fleiri fréttir Biggi Maus breiðir yfir Frikka Dór Farnar á hestbak eins og hálfs og fjögurra ára Fleiri sniðgengu en ekki Von á ákæru eftir spennuþrungna daga í Malmö Inga Lind selur íbúð við Valshlíð „Þetta er náttúrulega sorgarsaga okkar Íslendinga“ Magnús Scheving og Hrefna glæsileg á opnun Sjálands Fann fíkniefnin strax Þátttaka Ísraela hafi skemmt mikið Ráðist á Steve Buscemi og hann fluttur á sjúkrahús Táraflóð í útgáfuteiti Bjarna Hlutu „Óskarinn“ í brúðkaupsskipulagningu Þessi skipuðu íslensku dómnefndina í Eurovision Herra Hnetusmjör hitti Akon: „Þeir vita sem vita“ Ari Bragi og Dóróthea eignuðust dreng Jón og Hafdís festu kaup á einbýli með bátaskýli Greindu frá kyninu á ströndinni Stjörnulífið: „Mér fannst mæðradagurinn alltaf triggerandi“ Þessi lönd gáfu Íslandi stigin þrjú „Það var algjört kossaflens í gangi í Breiðholtinu“ Leikkonan sem lék fyrsta fórnarlambið í Ókindinni er látin Fögnuðu heimkomu Nemo Kristrún ekki lengur á meðal ungs jafnaðarfólks Hellti sér yfir EBU að lokinni keppni Hundar mæta í vinnuna með eigendum sínum Skilyrði að koma Borgarnesi á kortið Nýir Íslendingar heimsóttu Bessastaði Mætti í eftirpartý og verður eftir í Malmö Guðný og Pétur selja glæsihöll í Garðabæ Fyndnustu gæludýramyndir ársins Sjá meira
Gróa Másdóttir lærði fornleifafræði en hefur kennt jóga í meira en áratug. Hún undirbýr jógaferð á Hornstrandir í sumar. Hornstrandir eru alveg magnaðar og töfrum líkast að vera þar. Náttúran er ósnortin, litirnir og kyrrðin eru engu lík. Meira að segja vatnið er betra þar en annars staðar. Þetta skilja allir sem hafa komið til Hornstranda,“ segir Gróa, sem dvaldi þar í nokkra daga í fyrrasumar. „Ég fór í jógaferð sem starfsmaður á plani. Vinkona mín, Björk Sigurðardóttir, hefur farið oft þangað og þekkir svæðið eins og lófann á sér. Hún vildi sýna mér gönguleiðir og kynna mér þær vel svo ég geti farið sjálf með hópa. Við sigldum frá Bolungarvík lengst inn í Jökulfirði og fórum í land í Lónafirði. Við gengum yfir Snókaheiði og í Hrollaugsvík og þaðan yfir í Látravík og Hornbjargsvita. Þar gistum við í þrjár nætur. Við fórum í eina langa göngu og höfðum einn hvíldardag þar sem við m.a. skoðuðum Látravíkina,“ rifjar Gróa upp en hún lærði leiðsögn og er vön að ferðast um landið með hópa. „Stígshús og Frímannshús í Hornvík. Mér fannst ég vera komin inn í atriði í Börnum náttúrunnar þegar ég var þarna,“ segir Gróa.Paradís í góðu veðriGróa gekk einnig með hópnum yfir Almenningsskarð og í Hornvík og alla leið út á Horn sem strandirnar eru nefndar eftir. „Við vorum frekar heppin með veður. Margir segja að Hornstrandir séu eins og Paradís í góðu veðri, en hreint helvíti í vondu veðri og ég trúi að það sé nokkuð til í því,“ segir hún. „Þetta góða veður hafði þau áhrif að okkur fannst allt svo gott. Vitavörðurinn eldaði fyrir okkur bestu kjötsúpu sem við höfum smakkað. Við fengum bestu fiskibollurnar, búnar til úr nýveiddum þorski, nýbakað brauð og svo tíndu nokkrir úr hópnum hráefni í salat, m.a. skarfakál. Þetta var allt svo dásamlegt."Á leiðinni út á Horn. Hornvík í bakgrunni og Hælavíkurbjarg til vinstri við víkina.Njóta en ekki þjótaTilgangurinn með ferðinni var að njóta en ekki þjóta, lifa í núinu, og upplifa staðinn. „Einnig gerðum við léttar jógaæfingar,“ segir Gróa. Undirbúningur fyrir næstu ferð er í fullum gangi en í sumar fer hún til Hornstranda ásamt Þórlaugu Sveinsdóttur, á vegum Ferðafélags Íslands. Gróa mælir með að þeir sem vilji koma með þjálfi sig vel fyrir ferðina. „Við munum ganga þrjár til fjórar dagleiðir upp um fjöll og firnindi. Þess vegna er gott fyrir fólk að vera í góðu formi. Við ætlum þó ekki að hlaupa þetta, heldur ganga á góðum en stöðugum hraða svo hægt sé að njóta umhverfisins og fá sem mest út úr ferðinni.“Kennir jakkafatajógaSjálf byrjaði Gróa að stunda jóga fyrir fimmtán árum og eftir það varð ekki aftur snúið. „Ég hef verið jógakennari síðan 2005. Ég kenndi í tólf ár hjá World Class en hætti um áramótin og vinn núna fyrir Jakkafatajóga. Við förum inn í fyrirtæki og kennum fólki léttar jógaæfingar. Það er svakalega skemmtilegt. Ég hef kynnst fjölda fyrirtækja sem ég vissi ekki einu sinni að væru til. Jóga er eins og verkfæri í verkfæratöskunni hjá fólki til að láta sér líða vel,“ segir Gróa sem ætlar að kynna Jógaferðina í húsnæði Ferðafélagsins í Mörkinni 6 í kvöld kl.20.
Mest lesið Fann fíkniefnin strax Lífið Falleg tónlist GDRN hljómaði ekki nógu vel Gagnrýni Inga Lind selur íbúð við Valshlíð Lífið Fleiri sniðgengu en ekki Lífið Magnús Scheving og Hrefna glæsileg á opnun Sjálands Lífið Jón og Hafdís festu kaup á einbýli með bátaskýli Lífið Von á ákæru eftir spennuþrungna daga í Malmö Lífið Þátttaka Ísraela hafi skemmt mikið Lífið Fá í fyrsta sinn að klæðast strigaskóm Tíska og hönnun Biggi Maus breiðir yfir Frikka Dór Lífið Fleiri fréttir Biggi Maus breiðir yfir Frikka Dór Farnar á hestbak eins og hálfs og fjögurra ára Fleiri sniðgengu en ekki Von á ákæru eftir spennuþrungna daga í Malmö Inga Lind selur íbúð við Valshlíð „Þetta er náttúrulega sorgarsaga okkar Íslendinga“ Magnús Scheving og Hrefna glæsileg á opnun Sjálands Fann fíkniefnin strax Þátttaka Ísraela hafi skemmt mikið Ráðist á Steve Buscemi og hann fluttur á sjúkrahús Táraflóð í útgáfuteiti Bjarna Hlutu „Óskarinn“ í brúðkaupsskipulagningu Þessi skipuðu íslensku dómnefndina í Eurovision Herra Hnetusmjör hitti Akon: „Þeir vita sem vita“ Ari Bragi og Dóróthea eignuðust dreng Jón og Hafdís festu kaup á einbýli með bátaskýli Greindu frá kyninu á ströndinni Stjörnulífið: „Mér fannst mæðradagurinn alltaf triggerandi“ Þessi lönd gáfu Íslandi stigin þrjú „Það var algjört kossaflens í gangi í Breiðholtinu“ Leikkonan sem lék fyrsta fórnarlambið í Ókindinni er látin Fögnuðu heimkomu Nemo Kristrún ekki lengur á meðal ungs jafnaðarfólks Hellti sér yfir EBU að lokinni keppni Hundar mæta í vinnuna með eigendum sínum Skilyrði að koma Borgarnesi á kortið Nýir Íslendingar heimsóttu Bessastaði Mætti í eftirpartý og verður eftir í Malmö Guðný og Pétur selja glæsihöll í Garðabæ Fyndnustu gæludýramyndir ársins Sjá meira