Þýfið eftir jólatónleikastuld fundið

Lögreglan á Vestfjörðum hefur fundið nær alla þá hluti sem saknað var eftir að þjófar létu greipar sópa í anddyri Ísafjarðarkirkju á jólatónleikum í Ísafjarðarkirkju í gærkvöldi. Tveir menn eru í haldi lögreglu grunaðir um þjófnaðinn.

Í tilkynningu frá lögreglunni segir að eigendum hafi tilkynnt um fundinn en lögregla rannsakar nú þjófnaðinn. Fyrr í dag var greint frá því að þjófar hefðu látið til skarar skríða í anddyri kirkjunnar á meðan Hera Björk, Jógvan Hansen og Halldór Smárason skemmtu tónleikagestum á jólatónleikum í kirkjunni.

Var verðmætum stolið úr yfirhöfnum en um var að ræða lykla, greiðslukort, ökuskírteini og peningaseðla svo dæmi séu tekin. Tilkynning um þjófnaðinn barst um klukkan 22 í gærkvöldi en um tuttugu mínútum síðar hafi lögregla handtekið tvö menn í miðbæ Ísafjarðar í tengslum við rannsókn málsins. Eru þeir grunaðir um þjófnaðinn og verða þeir í haldi er lögregla rannsakar málið.