Jón náði óvænt í heitt stefnumót með karlmanni: „Ég er í limósíu í engu nema Billy Boy“

Jón Gunnar Geirdal sló rækilega í gegn í þættinum FM95BLÖ á föstudaginn en hann var gestastjórnandi að þessu sinni þar sem Steindi Jr. og Auðunn Blöndal eru staddir í Asíu við tökur á Asíska-drauminum.

Egill Einarsson lét það verkefni í hendurnar á Jóni að redda sér stefnumóti með því að hringja í kaffihús hér á landi og heilla starfsmanninn upp úr skónum með nokkrum fyrirframákveðnum línum.

Erlendur karlmaður svaraði í símann og áður en Jón Gunnar vissi af var hann á leiðinni í limósíu, með einn Billy Boy á sér, að sækja drenginn fyrir stefnumótið. Stórkostlegur símahrekkur sem heyra má hér að neðan en hann hefst þegar 1:00:10 er liðið af þættinum.