Real Madrid vann góðan sigur á Real Betis í spænsku úrvalsdeildinni í knattspyrnu í kvöld. Leikurinn fór 2-1 fyrir heimamenn en hann fór fram á Santiago Bernabeu.
Þetta byrjaði ekki vel fyrir Real Madrid en Keylor Navas gerði sig sekan um skelfileg markmannsmistök á 25. mínútu og komst því Real Betis yfir.
Sjá einnig: Sjáðu Keylor Navas gera markmannsmistök ársins
Cristiano Ronaldo jafnaði metin fyrir Real Madrid rétt fyrir lok fyrri hálfleiks og var staðan 1-1 eftir 45 mínútur.
Ral var betri aðilinn í þeim síðari og fékk Piccini, leikmaður Real Betis, sitt annað gula spjald og þar með rautt á 78. mínútu. Þetta nýtti Real Madrid sér og skoraði Sergio Ramos annað mark liðsins á 81. mínútu og niðurstaðan 2-1 sigur Real Madrid.
Liðið er því komið í efsta sæti deildarinnar með 62 stig, tveimur stigum meira en Barcelona og liðið á leik til góða.
Real Madrid vann þrátt fyrir skelfileg markmannsmistök Navas
Stefán Árni Pálsson skrifar

Mest lesið


John Andrews um uppsögnina: „Kom mér mjög á óvart“
Íslenski boltinn

Vildi fleiri mínútur og stærra hlutverk
Körfubolti






