Fótbolti

Valverde er nýr þjálfari Barcelona

Henry Birgir Gunnarsson skrifar
Valverde í sínum síðasta leik með Bilbao.
Valverde í sínum síðasta leik með Bilbao. vísir/getty
Barcelona tilkynnti á blaðamannafundi nú síðdegis að félagið væri búið að ráða Ernesto Valverde sem þjálfara liðsins. Hann tekur við af Luis Enrique sem ákvað að hætta fyrir þó nokkru síðan.

Valverde er 53 ára gamall og Spánverji og kemur til Barcelona frá Athletic Bilbao en því liði hefur hann stýrt síðan 2013. Hann hóf sinn þjálfaraferil einnig hjá félaginu árið 2002.

Í millitíðinni fór hann til Espanyol, Olympiacos, Villarreal og Valencia.

Sem leikmaður spilaði hann 22 leiki fyrir Barcelona er hann var leikmaður félagsins frá 1988 til 1990. Hann náði að spila einn landsleik fyrir spænska landsliðið. Lengst af lék hann með Bilbao.

Hann verður kynntur formlega á blaðamannafundi á fimmtudag.

Fótbolti

Mest lesið


Fleiri fréttir

Sjá meira


×

Mest lesið