Heimir sýndi engin viðbrögð þegar Gylfi skoraði

Landsliðsþjálfarinn Heimir Hallgrímsson ætlar að halda ró sinni í kvöld þegar strákarnir hans fá tækifæri til að tryggja sér sæti á HM í fyrsta sinn.

Heimir hreyfði sig ekki á varamannabekknum og sýndi engin viðbrögð þegar Gylfi Þór Sigurðsson kom íslenska liðinu í 1-0 á móti Kósóvó.

Mark Gylfa kom á 40. mínútu leiksins og upp úr nánast engu eftir brösuga byrjun.

Allur varamannabekkurinn stökk á fætur og fagnaði gríðarlega eða allir nema landsliðsþjálfarinn sem sat áfram hinn rólegasti.

Heimir fagnaði hverju marki með tilþrifum í Tyrklandi á föstudaginn en hann er með allt aðra taktík í kvöld.

Íslenska liðið á að vinna Kósóvó en strákarnir þurfa að halda einbeitingu allan tímann og landsliðsþjálfarinn er staðráðinn í að halda strákunum okkar á réttri braut í allt kvöld.

Það voru margir sem tóku eftir þessu hjá landsliðsþjálfaranum á Twitter eins og sést hér fyrir neðan.

Þjálfarinn er ekkert að taka af sér öryggisbeltið #ISLKOS

— Einar Thor (@EinarThorG) October 9, 2017

Viðbrögð Heimis við markinu eru stranheiðarleg. Bannað að missa fókusinn. #ISLKOS

— Elísabet Brynjars (@betablokker_) October 9, 2017

Það fær enginn deyfingu hjá Heimi á næstunn. Hún hefur verið öll til eigin nota.#islkos

— Hafliði Helgason (@haflidihelgason) October 9, 2017

Heimir cold as ice þegar allt trylltist yfir markinu. Kóngur.

— Daníel Rúnarsson (@danielrunars) October 9, 2017