Tveir stjórnarkostir líklegri en aðrir Heimir Már Pétursson skrifar 8. nóvember 2017 19:00 Formaður Sjálfstæðisflokksins telur mikið geta gerst á einum degi í tilraunum flokkanna til að ná saman um myndun ríkisstjórnar. Það sé eðlilegt næsta skref að hann fái umboð til að láta reyna á samstarf við aðra flokka og meðal annars með Framsókn, Miðflokki og Flokki fóksins. Sú stjórn verður að teljast líklegust í stöðunni ásamt stjórn Vinstri grænna, Samfylkingar, Framsóknarflokks, Pírata og Viðreisnar. Enn eru þreifingar í gangi um að mynda ríkisstjórn Sjálfstæðisflokks, Vinstri grænna og Framsóknarflokks og eftir atvikum Samfylkingar eða Viðreisnar. En það virðist ekki ganga vel í þeim viðræðum. Formaður Samfylkingarinnar vill að fyrri viðræður fjögurra flokka verði teknar upp aftur og að Viðreisn komi að þeim viðræðum. Bjarni Benediktsson formaður Sjálfstæðisflokksins segir stöðuna snúna. Hann hafi talað við leiðtoga flestra flokka undanfarna daga en enginn augljós kostur sé í stöðunni. Þó hljóti að koma til tals að skoða samstarf stærstu þingflokkanna; Sjálfstæðisflokks, Vinstri grænna og Framsóknarflokks. „Og ég hef verið að velta fyrir mér hvort það sé einhver flötur á samstarfi milli þessarra flokka með öðrum. En ég hef líka talað við aðra. Þannig að við erum bara á þessu stigi ennþá. Við erum að velta fyrir okkur þessum möguleikum,“ segir Bjarni.Bjarni vill fá umboðiðFormaður Sjálfstæðisflokksins segir ekki hægt að tala um að viðræður séu á því stigi að tekist sé á um hver myndi leiða slíka stjórn. Þá sé alltaf möguleiki á myndun stjórnar Sjálfstæðisflokks með Framsókn, Miðflokki og Flokki fólksins. Það geti mikið gerst á einum degi en hann treysti sér til að taka við stjórnarmyndunarumboðinu og láta reyna á samstarf við aðra flokka. „Hvort að það hjálpar að fá það umboð núna. Ég get ekkert fullyrt um það. En mér finnst að eftir að það mistókst að mynda stjórnina sem reynt var síðast að mynda, finnst mér það vera eðlilegt næsta skref.“Að þú fáir umboðið?„Já, mér finnst það eðlilegt næsta skref. Hvernig sem úr því myndi spilast,“ segir Bjarni. Logi Einarsson formaður Samfylkingarinnar telur ekki fullreynt með myndun ríkisstjórnar þeirra fjögurra flokka sem ræddu fyrst saman undir forsæti Katrínar Jakobsdóttur. „Ég átti fund í morgun með Viðreisn og Katrínu. Þar ítrekaði þá skoðun mína að sú stjórn með styrkingu sem við vorum að ræða í síðustu viku væri lang líklegust til að ná friði hér í samfélaginu og byggja það upp á þann hátt sem við vildum,“ segir Logi. Formaður Viðreisnar hafi ekki tekið illa í þetta. Logi segir að líka megi skoða aðra kosti eins og sex flokka stjórnarhugmynd Sigurðar Inga Jóhannssonar. En Logi telur Katrínu hafa möguleika í stöðunni. „Til þess þarf Katrín að opna á það og ræða við þessa flokka aftur. Hún hefur val. Hún hefur völdin í dag held ég. Það verður illa mynduð stjórn án hennar og mín ósk er að hún gefi því aðeins tíma að athuga hvort ekki er hægt að fara aftur til vinstri,“ segir Logi.Katrín vill leiða ríkisstjórnKatrín Jakobsdóttir formaður Vinstri grænna segir stöðuna enn galopna og flokkurinn hafi ekki útilokað neinn kost. „Við höfum talað fyrir því í Vinstri grænum að við séum meira en tilbúin til að leiða góða ríkisstjórn. Sem snýst um þessa samfélagslega uppbyggingu sem ég tel vera brýnasta verkefni nýrrar ríkisstjórnar og ýmis önnur góð mál,“ segir Katrín. Hún telji eðlilegt að hún leiði stjórn verði farið í samstarf við Sjálfstæðisflokk og aðra flokka. „Ég hef að sjálfsöðgu haldið þeirri sýn til haga sem við lögðum áherslu á fyrir kosningar. Að við viljum leiða góða ríkisstjórn í landinu. Auðvitað gera það ýmsir fleiri forystumenn stjórnmálaflokka. Það er nú svo að margir vilja verða til þess að leiða ríkisstjórn,“ segir Katrín. Sigurður Ingi Jóhannsson formaður Framsóknarflokksins talar enn um nauðsyn þess að mynda breiða stjórn frá hægri til vinstri. Eðlilegt sé að flokkarnir fái svigrúm til að tala saman.Finnst þér að forseti Íslands eigi í dag, á morgun eða fyrir helgi að láta einhvern fá umboðið ef ykkar þreifingar hafa ekki skilað neinu?„Ég held að það sé alla vega eðlilegt að við fáum svigrúm til þessarra samtala sem við erum í. Þetta er jú verksvið okkar að mynda ríkisstjórn. Það er að segja stjórnmálaflokkanna. En ef það gengur ekki er kannski eðlilegt að hann heyri í okkur aftur og finni leiðir,“ segir Sigurður Ingi. Mest lesið Þingmaður úðaði eyrnameðali fyrir hunda í kokið á sér Innlent Sérsveit handtók vopnaðan mann Innlent Kveður Glerártorg eftir sautján ár Innlent Umfangsmestu loftárásir frá upphafi stríðs Erlent Tóku á móti tveimur börnum á innan við klukkustund Innlent Elsti hestur landsins er 36 vetra með tennur og hófa í fínu standi Innlent Steinn reistur við með eins konar blöðrum Innlent Rigning í kortunum Veður Níu af tíu börnum tveggja lækna létust í árásum Ísraela Erlent Afsögn Úlfars og afstaða Íslands til ástandsins á Gasa Innlent Fleiri fréttir Þorbjörg segir Úlfar hengja bakara fyrir smið Sósíalistar tortími mögulega sjálfum sér Dómsmálaráðherra tjáir sig um ummæli Úlfars Úr Kvennaskólanum í píparann Afsögn Úlfars og afstaða Íslands til ástandsins á Gasa Sérsveit handtók vopnaðan mann Tóku á móti tveimur börnum á innan við klukkustund Steinn reistur við með eins konar blöðrum Elsti hestur landsins er 36 vetra með tennur og hófa í fínu standi Vannærð börn svelti eða verði læknanlegum sjúkdómum að bráð „Þú hakkar ekki á tóman maga“ Kveður Glerártorg eftir sautján ár Þingmaður úðaði eyrnameðali fyrir hunda í kokið á sér „Hafa ekki lyft litla fingri í máli Oscars“ Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Tekist á um breytta ásýnd Suðurlandsbrautar með tilkomu Borgarlínunnar Ökumenn sektaðir vegna notkunar nagladekkja Fólk í fjarvinnu finni fyrir minni streitu Sjá meira
Formaður Sjálfstæðisflokksins telur mikið geta gerst á einum degi í tilraunum flokkanna til að ná saman um myndun ríkisstjórnar. Það sé eðlilegt næsta skref að hann fái umboð til að láta reyna á samstarf við aðra flokka og meðal annars með Framsókn, Miðflokki og Flokki fóksins. Sú stjórn verður að teljast líklegust í stöðunni ásamt stjórn Vinstri grænna, Samfylkingar, Framsóknarflokks, Pírata og Viðreisnar. Enn eru þreifingar í gangi um að mynda ríkisstjórn Sjálfstæðisflokks, Vinstri grænna og Framsóknarflokks og eftir atvikum Samfylkingar eða Viðreisnar. En það virðist ekki ganga vel í þeim viðræðum. Formaður Samfylkingarinnar vill að fyrri viðræður fjögurra flokka verði teknar upp aftur og að Viðreisn komi að þeim viðræðum. Bjarni Benediktsson formaður Sjálfstæðisflokksins segir stöðuna snúna. Hann hafi talað við leiðtoga flestra flokka undanfarna daga en enginn augljós kostur sé í stöðunni. Þó hljóti að koma til tals að skoða samstarf stærstu þingflokkanna; Sjálfstæðisflokks, Vinstri grænna og Framsóknarflokks. „Og ég hef verið að velta fyrir mér hvort það sé einhver flötur á samstarfi milli þessarra flokka með öðrum. En ég hef líka talað við aðra. Þannig að við erum bara á þessu stigi ennþá. Við erum að velta fyrir okkur þessum möguleikum,“ segir Bjarni.Bjarni vill fá umboðiðFormaður Sjálfstæðisflokksins segir ekki hægt að tala um að viðræður séu á því stigi að tekist sé á um hver myndi leiða slíka stjórn. Þá sé alltaf möguleiki á myndun stjórnar Sjálfstæðisflokks með Framsókn, Miðflokki og Flokki fólksins. Það geti mikið gerst á einum degi en hann treysti sér til að taka við stjórnarmyndunarumboðinu og láta reyna á samstarf við aðra flokka. „Hvort að það hjálpar að fá það umboð núna. Ég get ekkert fullyrt um það. En mér finnst að eftir að það mistókst að mynda stjórnina sem reynt var síðast að mynda, finnst mér það vera eðlilegt næsta skref.“Að þú fáir umboðið?„Já, mér finnst það eðlilegt næsta skref. Hvernig sem úr því myndi spilast,“ segir Bjarni. Logi Einarsson formaður Samfylkingarinnar telur ekki fullreynt með myndun ríkisstjórnar þeirra fjögurra flokka sem ræddu fyrst saman undir forsæti Katrínar Jakobsdóttur. „Ég átti fund í morgun með Viðreisn og Katrínu. Þar ítrekaði þá skoðun mína að sú stjórn með styrkingu sem við vorum að ræða í síðustu viku væri lang líklegust til að ná friði hér í samfélaginu og byggja það upp á þann hátt sem við vildum,“ segir Logi. Formaður Viðreisnar hafi ekki tekið illa í þetta. Logi segir að líka megi skoða aðra kosti eins og sex flokka stjórnarhugmynd Sigurðar Inga Jóhannssonar. En Logi telur Katrínu hafa möguleika í stöðunni. „Til þess þarf Katrín að opna á það og ræða við þessa flokka aftur. Hún hefur val. Hún hefur völdin í dag held ég. Það verður illa mynduð stjórn án hennar og mín ósk er að hún gefi því aðeins tíma að athuga hvort ekki er hægt að fara aftur til vinstri,“ segir Logi.Katrín vill leiða ríkisstjórnKatrín Jakobsdóttir formaður Vinstri grænna segir stöðuna enn galopna og flokkurinn hafi ekki útilokað neinn kost. „Við höfum talað fyrir því í Vinstri grænum að við séum meira en tilbúin til að leiða góða ríkisstjórn. Sem snýst um þessa samfélagslega uppbyggingu sem ég tel vera brýnasta verkefni nýrrar ríkisstjórnar og ýmis önnur góð mál,“ segir Katrín. Hún telji eðlilegt að hún leiði stjórn verði farið í samstarf við Sjálfstæðisflokk og aðra flokka. „Ég hef að sjálfsöðgu haldið þeirri sýn til haga sem við lögðum áherslu á fyrir kosningar. Að við viljum leiða góða ríkisstjórn í landinu. Auðvitað gera það ýmsir fleiri forystumenn stjórnmálaflokka. Það er nú svo að margir vilja verða til þess að leiða ríkisstjórn,“ segir Katrín. Sigurður Ingi Jóhannsson formaður Framsóknarflokksins talar enn um nauðsyn þess að mynda breiða stjórn frá hægri til vinstri. Eðlilegt sé að flokkarnir fái svigrúm til að tala saman.Finnst þér að forseti Íslands eigi í dag, á morgun eða fyrir helgi að láta einhvern fá umboðið ef ykkar þreifingar hafa ekki skilað neinu?„Ég held að það sé alla vega eðlilegt að við fáum svigrúm til þessarra samtala sem við erum í. Þetta er jú verksvið okkar að mynda ríkisstjórn. Það er að segja stjórnmálaflokkanna. En ef það gengur ekki er kannski eðlilegt að hann heyri í okkur aftur og finni leiðir,“ segir Sigurður Ingi.
Mest lesið Þingmaður úðaði eyrnameðali fyrir hunda í kokið á sér Innlent Sérsveit handtók vopnaðan mann Innlent Kveður Glerártorg eftir sautján ár Innlent Umfangsmestu loftárásir frá upphafi stríðs Erlent Tóku á móti tveimur börnum á innan við klukkustund Innlent Elsti hestur landsins er 36 vetra með tennur og hófa í fínu standi Innlent Steinn reistur við með eins konar blöðrum Innlent Rigning í kortunum Veður Níu af tíu börnum tveggja lækna létust í árásum Ísraela Erlent Afsögn Úlfars og afstaða Íslands til ástandsins á Gasa Innlent Fleiri fréttir Þorbjörg segir Úlfar hengja bakara fyrir smið Sósíalistar tortími mögulega sjálfum sér Dómsmálaráðherra tjáir sig um ummæli Úlfars Úr Kvennaskólanum í píparann Afsögn Úlfars og afstaða Íslands til ástandsins á Gasa Sérsveit handtók vopnaðan mann Tóku á móti tveimur börnum á innan við klukkustund Steinn reistur við með eins konar blöðrum Elsti hestur landsins er 36 vetra með tennur og hófa í fínu standi Vannærð börn svelti eða verði læknanlegum sjúkdómum að bráð „Þú hakkar ekki á tóman maga“ Kveður Glerártorg eftir sautján ár Þingmaður úðaði eyrnameðali fyrir hunda í kokið á sér „Hafa ekki lyft litla fingri í máli Oscars“ Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Tekist á um breytta ásýnd Suðurlandsbrautar með tilkomu Borgarlínunnar Ökumenn sektaðir vegna notkunar nagladekkja Fólk í fjarvinnu finni fyrir minni streitu Sjá meira