Kvefið vandamál númer eitt fyrir söngkonu Þórdís Lilja Gunnarsdótitr skrifar 7. júní 2017 10:15 Guðrún Árný segir dýrmætt fyrir ungar tónlistarkonur að hitta reynsluboltana í bransanum og uppgötva að þær eru ekki einar um misjafna reynslu sína. Vísir/ANTON BRINK Konur í tónlist hittast, syngja og gera tónlistartilraunir á Open Mic-kvöldum KÍTON sem haldin eru á Café Rósenberg fyrsta miðvikudagskvöld í hverjum mánuði. Guðrún Árný Karlsdóttir er gestgjafi á Open Mic í kvöld. „Að hlusta og horfa á aðrar konur í tónlist fyllir mann innblæstri og sköpunarkrafti,“ segir söngkonan og tónmenntakennarinn Guðrún Árný Karlsdóttir sem er gestgjafi á Open Mic-kvöldi KÍTON á Café Rosenberg í kvöld. Bæði þekktar og óþekktar tónlistarkonur troða upp á Open Mic-kvöldum, félagar í KÍTON, félagi kvenna í tónlist. „Á Open Mic gefst konum tækifæri til að koma fram, frumflytja efni, útsetningar, texta eða gera tilraunir þvert á allar tónlistarstefnur, um leið og þær tengjast öðrum tónlistarkonum. Viðtökurnar hafa alltaf verið æðislegar og stemningin er einstök,“ segir Guðrún Árný. Á hverju Open Mic-kvöldi eru gjarnan fimm mismunandi atriði þar sem hver og ein tónlistarkona leikur tvö til þrjú lög. „Þetta er kærkomið tækifæri til að koma með eigið efni til flutnings en líka til að brjóta upp daginn og flytja sín eftirlætis tökulög. Sjálf syng ég mikið í brúðkaupum og afmælum, oftast nær óskalög annarra, en á Open Mic get ég sungið mín eigin óskalög. Þar má vissulega sjá söngkonur sýna á sér nýjar hliðar en líka að njóta þess til hins ítrasta að flytja lagið sem þær eru einmitt þekktastar fyrir.“ KÍTON stendur fyrir konur í tónlist og er tilgangur félagsins að skapa jákvæða umræðu, samstöðu og starfsvettvang á meðal kvenna í tónlist. Guðrún Árný segir félagið fyrir allar konur sem vilja lifa og hrærast í tónlist. „Margar ungar konur, sem hafa áhuga á að starfa við tónlist, hafa skráð sig í félagið og fyrr en varir eru þær komnar á fullt skrið. Það er gaman að fylgjast með kröftugri framvindu þeirra, hvort sem það er á Open Mic eða heimasíðu félagsins þar sem maður getur séð þær blómstra og vinna fullt af litlum sigrum, eins og að komast í spilun í útvarpi og fleira gagnlegt.“Guðrún Árný Karlsdóttir hefur í nógu að snúast við barnauppeldi, söng og tónmenntakennslu. Hún er gestgjafi á Open Mic-kvöldi KÍTON á Café Rósenberg í kvöld.MYND/ANTON BRINKDýrmætir reynsluboltarOpen Mic-kvöldið er opið fyrir gesti og gangandi og öllum velkomið að fylgjast með. Mælt er með skráningu þátttakenda fyrirfram en það er líka hægt að mæta á staðinn og skrá sig til leiks. Dagskrá kvöldsins er því aldrei auglýst fyrirfram heldur kemur ætíð á óvart. „Það er alveg sama í hvaða fagi maður starfar; það er alltaf dýrmætt að fá að hitta reynsluboltana sem segja manni sögur af því sem gekk illa eða er erfitt við bransann. Þá veistu að þú ert ekki ein í heiminum með þínar upplifanir, eins og að komast ekki að í útvarpinu eða fara klukkutíma of seint upp á svið af því allir hinir voru of seinir. Maður er ekkert minna mikilvægur fyrir vikið; þessu hafa allir lent í og það koma alltaf önnur tækifæri,“ segir Guðrún Árný. Hún bætir við að líf tónlistarkvenna sé í engu öðruvísi en annarra. Alltaf megi eiga von á að eitthvað óvænt gerist. „Söngkonuvandamál númer eitt er kvef en söngröddin er líffræðilegt hljóðfæri sem er ekki hægt að gera kröfu um að sé alltaf í fullkomnu standi. Þegar ég var ung að byrja í bransanum fékk ég í magann ef röddin var ekki fullkomin og hafði áhyggjur af því að fólk fengi ekki sitt fyrir peninginn sem það borgaði mér fyrir sönginn. Með aldrinum gerði ég mér grein fyrir að hin fimmtíu prósentin af mér voru í fínu standi. Þá söng ég bara aðeins lægra og meira á tilfinningunni og útkoman varð ekkert síðri.“Strembið og erfitt umhverfiAllar kynslóðir íslenskra tónlistarkvenna eru einstaklega hæfileikaríkar og skapandi, segir Guðrún Árný, og að nýr veruleiki blasi við ungum tónlistarkonum. „Heimur ungra tónlistarkvenna hefur gjörbreyst með tilkomu samfélagsmiðla og margar hafa sjálfmenntað sig í hljóðfæraleik í gegnum aðgengilegt efni á YouTube. Nú er hægt að gera allt strax og ekki lengur þörf á að bíða eftir því að röðin komi að manni í tónlistarskólanum. Möguleikarnir eru meiri en að sama skapi er þetta strembið og erfitt umhverfi. Fái efnið ekki nógu mörg læk strax er hætt við að tónlistamaðurinn telji efnið sitt vonlaust og missi kjarkinn. Þetta hef ég upplifað í gegnum nemendur mína sem tónmenntakennari.“ Guðrún Árný hvetur konur í tónlist til að koma saman á kvöldi sem þessu enda alltaf skemmtilegt. „Við notum tækifærið og hittumst og kynnumst betur því það er svo mikill kraftur í því fólginn. Oft spjöllum við saman á undan og sitjum líka lengur á eftir,“ segir Guðrún Árný sem er að drukkna í verkefnum þessa dagana, spilar virka daga á Grand Hóteli Reykjavík og í brúðkaupum og í Græna herberginu um helgar, ásamt því að sinna börnum og búi heima. „Ég hef sjálf upplifað drifkraftinn sem fylgir í kjölfar Open Mic-kvöldanna því maður gefur sér ekki alltaf tíma til að sinna eigin tónlistarsköpun vegna annríkis. Síðast fór ég bara til að hlusta og endaði með að bralla í stúdíóinu í marga daga á eftir. Maður er manns gaman og þótt við þekkjumst öll voða vel á samfélagsmiðlum höfum við ekki alltaf hist í raunveruleikanum. Það er alltaf best að hittast augliti til auglitis; tala saman, hlæja og upplifa lífið og sköpunina saman.“Open Mic-kvöld KÍTON eru haldin fyrsta miðvikudag í hverjum mánuði og hefst klukkan 20.30 á Café Rosenberg í kvöld. Hægt er að skrá sig á kiton@kiton.is eða senda Guðrúnu Árnýju tölvupóst á gudrunarny@gmail.com. Mest lesið „Ég hef aldrei reynt að verða nokkur skapaður hlutur“ Tónlist Segir hjálminum að þakka að hann sé á lífi Lífið Hvers vegna tölum við um bongóblíðu? Lífið Arnar Þór selur Arnarneshöllina Lífið Bubbi hrærður: Trúir því að Níu líf muni á endanum vakna að nýju Lífið Heiður Ósk og Davíð eru nýtt par Lífið Fékk skyndihugmynd og er nú í blómahafi heima fyrir Lífið Inga Tinna og Logi greina frá kyni barnsins Lífið Lofar svakalegri veislu Tónlist Fréttatía vikunnar: Skúlptúrar, ráðherrarifrildi og EM Lífið Fleiri fréttir Heilmikil skemmtidagskrá og samsöngur á Þingvöllum í dag Inga Tinna og Logi greina frá kyni barnsins Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Daði keypti hús Jóns Jónssonar með mömmu sinni á yfirverði „Ég væri ekkert án þeirra“ Gekk í tvo tíma að flugvellinum til að komast hjá leigubílagjaldi Sjá meira
Konur í tónlist hittast, syngja og gera tónlistartilraunir á Open Mic-kvöldum KÍTON sem haldin eru á Café Rósenberg fyrsta miðvikudagskvöld í hverjum mánuði. Guðrún Árný Karlsdóttir er gestgjafi á Open Mic í kvöld. „Að hlusta og horfa á aðrar konur í tónlist fyllir mann innblæstri og sköpunarkrafti,“ segir söngkonan og tónmenntakennarinn Guðrún Árný Karlsdóttir sem er gestgjafi á Open Mic-kvöldi KÍTON á Café Rosenberg í kvöld. Bæði þekktar og óþekktar tónlistarkonur troða upp á Open Mic-kvöldum, félagar í KÍTON, félagi kvenna í tónlist. „Á Open Mic gefst konum tækifæri til að koma fram, frumflytja efni, útsetningar, texta eða gera tilraunir þvert á allar tónlistarstefnur, um leið og þær tengjast öðrum tónlistarkonum. Viðtökurnar hafa alltaf verið æðislegar og stemningin er einstök,“ segir Guðrún Árný. Á hverju Open Mic-kvöldi eru gjarnan fimm mismunandi atriði þar sem hver og ein tónlistarkona leikur tvö til þrjú lög. „Þetta er kærkomið tækifæri til að koma með eigið efni til flutnings en líka til að brjóta upp daginn og flytja sín eftirlætis tökulög. Sjálf syng ég mikið í brúðkaupum og afmælum, oftast nær óskalög annarra, en á Open Mic get ég sungið mín eigin óskalög. Þar má vissulega sjá söngkonur sýna á sér nýjar hliðar en líka að njóta þess til hins ítrasta að flytja lagið sem þær eru einmitt þekktastar fyrir.“ KÍTON stendur fyrir konur í tónlist og er tilgangur félagsins að skapa jákvæða umræðu, samstöðu og starfsvettvang á meðal kvenna í tónlist. Guðrún Árný segir félagið fyrir allar konur sem vilja lifa og hrærast í tónlist. „Margar ungar konur, sem hafa áhuga á að starfa við tónlist, hafa skráð sig í félagið og fyrr en varir eru þær komnar á fullt skrið. Það er gaman að fylgjast með kröftugri framvindu þeirra, hvort sem það er á Open Mic eða heimasíðu félagsins þar sem maður getur séð þær blómstra og vinna fullt af litlum sigrum, eins og að komast í spilun í útvarpi og fleira gagnlegt.“Guðrún Árný Karlsdóttir hefur í nógu að snúast við barnauppeldi, söng og tónmenntakennslu. Hún er gestgjafi á Open Mic-kvöldi KÍTON á Café Rósenberg í kvöld.MYND/ANTON BRINKDýrmætir reynsluboltarOpen Mic-kvöldið er opið fyrir gesti og gangandi og öllum velkomið að fylgjast með. Mælt er með skráningu þátttakenda fyrirfram en það er líka hægt að mæta á staðinn og skrá sig til leiks. Dagskrá kvöldsins er því aldrei auglýst fyrirfram heldur kemur ætíð á óvart. „Það er alveg sama í hvaða fagi maður starfar; það er alltaf dýrmætt að fá að hitta reynsluboltana sem segja manni sögur af því sem gekk illa eða er erfitt við bransann. Þá veistu að þú ert ekki ein í heiminum með þínar upplifanir, eins og að komast ekki að í útvarpinu eða fara klukkutíma of seint upp á svið af því allir hinir voru of seinir. Maður er ekkert minna mikilvægur fyrir vikið; þessu hafa allir lent í og það koma alltaf önnur tækifæri,“ segir Guðrún Árný. Hún bætir við að líf tónlistarkvenna sé í engu öðruvísi en annarra. Alltaf megi eiga von á að eitthvað óvænt gerist. „Söngkonuvandamál númer eitt er kvef en söngröddin er líffræðilegt hljóðfæri sem er ekki hægt að gera kröfu um að sé alltaf í fullkomnu standi. Þegar ég var ung að byrja í bransanum fékk ég í magann ef röddin var ekki fullkomin og hafði áhyggjur af því að fólk fengi ekki sitt fyrir peninginn sem það borgaði mér fyrir sönginn. Með aldrinum gerði ég mér grein fyrir að hin fimmtíu prósentin af mér voru í fínu standi. Þá söng ég bara aðeins lægra og meira á tilfinningunni og útkoman varð ekkert síðri.“Strembið og erfitt umhverfiAllar kynslóðir íslenskra tónlistarkvenna eru einstaklega hæfileikaríkar og skapandi, segir Guðrún Árný, og að nýr veruleiki blasi við ungum tónlistarkonum. „Heimur ungra tónlistarkvenna hefur gjörbreyst með tilkomu samfélagsmiðla og margar hafa sjálfmenntað sig í hljóðfæraleik í gegnum aðgengilegt efni á YouTube. Nú er hægt að gera allt strax og ekki lengur þörf á að bíða eftir því að röðin komi að manni í tónlistarskólanum. Möguleikarnir eru meiri en að sama skapi er þetta strembið og erfitt umhverfi. Fái efnið ekki nógu mörg læk strax er hætt við að tónlistamaðurinn telji efnið sitt vonlaust og missi kjarkinn. Þetta hef ég upplifað í gegnum nemendur mína sem tónmenntakennari.“ Guðrún Árný hvetur konur í tónlist til að koma saman á kvöldi sem þessu enda alltaf skemmtilegt. „Við notum tækifærið og hittumst og kynnumst betur því það er svo mikill kraftur í því fólginn. Oft spjöllum við saman á undan og sitjum líka lengur á eftir,“ segir Guðrún Árný sem er að drukkna í verkefnum þessa dagana, spilar virka daga á Grand Hóteli Reykjavík og í brúðkaupum og í Græna herberginu um helgar, ásamt því að sinna börnum og búi heima. „Ég hef sjálf upplifað drifkraftinn sem fylgir í kjölfar Open Mic-kvöldanna því maður gefur sér ekki alltaf tíma til að sinna eigin tónlistarsköpun vegna annríkis. Síðast fór ég bara til að hlusta og endaði með að bralla í stúdíóinu í marga daga á eftir. Maður er manns gaman og þótt við þekkjumst öll voða vel á samfélagsmiðlum höfum við ekki alltaf hist í raunveruleikanum. Það er alltaf best að hittast augliti til auglitis; tala saman, hlæja og upplifa lífið og sköpunina saman.“Open Mic-kvöld KÍTON eru haldin fyrsta miðvikudag í hverjum mánuði og hefst klukkan 20.30 á Café Rosenberg í kvöld. Hægt er að skrá sig á kiton@kiton.is eða senda Guðrúnu Árnýju tölvupóst á gudrunarny@gmail.com.
Mest lesið „Ég hef aldrei reynt að verða nokkur skapaður hlutur“ Tónlist Segir hjálminum að þakka að hann sé á lífi Lífið Hvers vegna tölum við um bongóblíðu? Lífið Arnar Þór selur Arnarneshöllina Lífið Bubbi hrærður: Trúir því að Níu líf muni á endanum vakna að nýju Lífið Heiður Ósk og Davíð eru nýtt par Lífið Fékk skyndihugmynd og er nú í blómahafi heima fyrir Lífið Inga Tinna og Logi greina frá kyni barnsins Lífið Lofar svakalegri veislu Tónlist Fréttatía vikunnar: Skúlptúrar, ráðherrarifrildi og EM Lífið Fleiri fréttir Heilmikil skemmtidagskrá og samsöngur á Þingvöllum í dag Inga Tinna og Logi greina frá kyni barnsins Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Daði keypti hús Jóns Jónssonar með mömmu sinni á yfirverði „Ég væri ekkert án þeirra“ Gekk í tvo tíma að flugvellinum til að komast hjá leigubílagjaldi Sjá meira