Er þetta svalasta íbúðin til sölu í Reykjavík?

Rúmlega 227 fermetra íbúð í nýlegu húsi við Mýrargötu í Reykjavík hefur verið sett á sölu.

Um er að ræða 5 herbergja íbúð í „New York“-stíl á jarðhæð með mikilli lofthæð og stórum gluggum - en engu að síður með prýðilegri hljóðvist ef marka má auglýsingu Lindar fasteignasölu.

Íbúðin er á á tveimur hæðum, með tveimur inngöngum ásamt bílskúr og bílastæði í kjallara.

Húsið var reist árið 2014 og má með sanni segja að það sé á einum besta stað borgarinnar. Íbúðin, sem í eru 2 baðherbergi og 3 svefnherbergi, er rétt hjá fjölbreyttri verslun, þjónustu og veitingastöðum í léttu göngufæri frá miðbænum.

Ásett verð eru 120 milljónir.

Hér að neðan má sjá myndir úr íbúðinni en nánari upplýsingar og fleiri myndir má nálgast á fasteignavef Vísis.

 

Fleiri myndir má nálgast með því að smella hér.