Skuldastaða yngri hópa áhyggjuefni

„Það eru hópar sem eru í viðkvæmri og erfiðri stöðu. Húsnæðisverð er mjög hátt þannig að þeir sem eru að koma inn á húsnæðismarkað núna þurfa því að skuldsetja sig mjög mikið. ,“ segir Henný Hinz, deildarstjóri hagdeildar Alþýðusambands Íslands (ASÍ).

Endurskoðuð hagspá ASÍ fyrir 2017 til 2019 kom út í gær. Fram kemur í henni að þörf sé á að fylgjast með skuldastöðu yngri hópa, sérstaklega þeirra sem eru að koma inn á húsnæðismarkað. Lág greiðslubyrði verðtryggðra lána hvetji til skuldsettra húsnæðiskaupa þar sem greiðslubyrði er lægri en leigukostnaður.