Þetta er að gerast um páskana

Páskahelginni er ýtt úr vör í kvöld með fjölmörgum uppákomum sem setja tóninn fyrir viðburðaríka hátíðisdaga um allt land.

Hér að neðan hefur Vísir tekið saman nokkra þeirra viðburða sem landsmenn geta sótt yfir páskana en listinn er þó alls ekki tæmandi.

Hvaða viðburðum erum við að gleyma? Endilega vektu athygli á þeim í athugsemdakerfinu hér að neðan.

Páskapartí Tuborg: Birnir, Sturla Atlas og Gísli Pálmi

Páskapartí Tuborg fer fram í Gamla bíó í kvöld. Birnir, Sturla Atlas og Gísli Pálmi munu sjá um að gera allt vitlaust. Húsið opnar klukkan 22:00 og ætlar Danni Deluxe að byrja kvöldið og hefjast tónleikar klukkan 22:30. 

Nánari upplýsingar hér.

LICKS á Gauknum - KISS Tribute

Hljómsveitin LICKS mun halda KISS tribute tónleika á Gauknum, Reykjavík í kvöld. Tónleikarnir hefjast kl. 23:00.

Nánari upplýsingar hér.

5 ára afmæli Hausa

Hausar fagna 5 ára afmæli Drum&Bass-kvölda þeirra sem jafnan eru vel sótt. Fögnuðurinn hefst klukkan 22 í kvöld og stendur fram á rauða nótt. 

Nánari upplýsingar hér.



Páskaball með Skímóbræðrum

Þeir Skímóbræður Gunni Óla, Hebbi og Einar Ágúst ætla að tjútta okkur inn í Páskana með hörku giggi á Gullöldinni, Grafarvogi, í kvöld. Miðar seldir við hurð sem og í forsölu.

Nánari upplýsingar hér.

Stebbi og Eyfi á Hótel Selfossi

Gömlu brýnin Stefán Hilmarsson og Eyjólfur Kristjánsson flytja öll sín þekktustu lög og spjalla á léttu nótunum við tónleikagesti á Hótel Selfossi. Tónleikarnir hefjast klukkan 22 í kvöld. 

Nánari upplýsingar hér.

Pottþéttir Páskar 2017 - Hvítahúsið Selfossi

Það verða þó ekki aðeins Stebbi og Eyfi sem halda uppi fjörinu á Selfossi í kvöld. Á Hvítahúsið mætir stórsveitin Albatross með Sverri Bergmann í broddi fylkingar ásamt plötusnúðnum Heiðari Austmann. Páll Óskar tekur svo við keflinu og heldur uppi gleðinni á ekta Pallaballi.

Nánari upplýsingar hér.

Kolólöglegt páskapönk

Ungir Píratar og Vantrú bjóða til Kolólöglegs páskapönks á Föstudaginn langa. Uppistönd, erindi og listgjörningar sem mótmæli við helgidagalöggjöfinni.

Nánari upplýsingar hér.



Íslandsmót IFBB 2017

Er nokkuð betra eftir allt páskaeggjaátið en að dást að stæltum líkömum á sviði Háskólabíós? Íslandsmótið í fitness fer fram dagana 13.-14. apríl en nánari upplýsingar og keppendalistann má nálgast með því að smella hér.

Aldrei fór ég suður

Svo er það auðvitað rokkhátíð alþýðunnar, Aldrei fór ég suður, sem fer fram sem fyrr á Ísafirði um páskahelgina. Emmsjé Gauti, Ham, Hildur, Karó, KK Band, Kött Grá Pje, Valdimar Mugison og fleiri og fleiri halda uppi fjörinu.  Allar nánari upplýsingar má nálgast hér. 

Sem fyrr segir er þetta alls ekki tæmandi upptalning og því hvetjum alla til að benda lesendum Vísis á fleiri áhugaverða viðburði um helgina í athugasemdakerfinu hér að neðan.