Bernie Sanders byrjaður með hlaðvarpsþátt

Öldungadeildarþingmaðurinn Bernie Sanders sem var mótframbjóðandi Hillary Clinton um forsetaframboð Demókrataflokksins hefur nú fært út í kvíarnar og er byrjaður með hlaðvarpsþátt.

Sanders naut töluverða vinsælda í kapphlaupinu um forsetaframboðið á síðasta ári og þá sérstaklega meðal ungs fólks og minnihlutahópa.

Í þættinum mun Sanders fá til sín aktívista, blaðamenn, listamenn og fleiri gesti úr öllum áttum til að ræða „hina pólitísku byltingu“ og framtíðina.

Aðdáendur Sanders þurfa ekki að bíða en þrír þættir eru nú þegar aðgengilegir í gegnum iTunes. Sanders tilkynnti um þættina á Twitter síðu sinni og sagði að „byltingin yrði hlaðvarp.“

The revolution will be podcast. The Bernie Sanders Show is on iTunes. Subscribe now: https://t.co/T1OuMlOXz0

— Bernie Sanders (@SenSanders) April 7, 2017