Ótrúlegt atvik þegar tré réðust á bifreið í Slóvakíu

Á þessari tækniöld fær heimurinn að sjá ótrúlegustu náttúruhamfarir á myndbandi, eitthvað sem ekki var hægt fyrir fimmtíu árum.

Eitt vinsælasta myndband vikunnar á vefsíðunni Reddit er með hreinum ólíkindum en það náðist á upptöku í janúar 2012, og var því komið fyrir inni á YouTube tveimur árum síðar.

Um er að ræða upptöku úr öryggismyndavél inni í bifreið. Þar má sjá bíl á ferð á miðjum sveitavegi í Slóvakíu og er veðrið ekkert til að hrópa húrra fyrir.

Allt í einu byrja trén að falla niður rétt fyrir framan bílinn og virðist eins og það hafi keðjuverkandi áhrif, en þau ráðast í raun og veru í áttina að bílnum sem endar með því að tré fellur ofan á hann.

Algjörlega ótrúlegt myndband sem sjá má hér að neðan.