Fagnar góðu gengi á Húrra

Gauti Þeyr Másson, betur þekktur sem Emmsjé Gauti, mun leika fyrir dansi á skemmtistaðnum Húrra annað kvöold.

Gauti gaf út tvær plötur á síðasta ári, Vagg&velta og Sautjánda nóvember og mun flytja vel valin lög af þeim báðum.

Gauti hefur nægu að fagna þessa dagana en hann hlaut fimm verðlaun á Íslensku tónlistarverðlaununum sem afhent voru í Hörpu í gærkvöldi. Þar var Gauti meðal annars valinn tónlistarflytjandi ársins, lagahöfundur ársins og lag hans Silfurskotta var valið lag ársins.

Það verður því væntanlega mikil gleði á Húrra annað kvöld. Hægt er að kaupa miða á tix.is