Allir í stjórninni sammála um að nota Svarta Péturs regluna og hleypa Hildi áfram Guðný Hrönn skrifar 7. mars 2017 10:45 Skarphéðinn lofar heljarinnar keppni á laugardaginn. Vísir/Stefán „Að rækilega ígrunduðu máli var það samdóma álit framkvæmdastjórnar og dagskrárstjóra að hleypa Hildi og laginu hennar áfram. Þar liggja margar ástæður að baki, m.a. sem tengjast dagskrárgerðinni, faglegu mati framkvæmdastjórnar á heildarsvip keppninnar og framvindu hennar, frammistöðu umrædds keppanda og höfundar til þessa, möguleikum í úrslitunum, niðurstöðum símakosninga í undanúrslitum o.fl.,“ segir Skarphéðinn Guðmundsson, dagskrárstjóri RÚV, spurður út í þá ákvörðun að hleypa söngkonunni Hildi Kristínu Stefánsdóttur með lagið Bammbaramm í gegn í keppninni þó að hún hafi ekki verið kosin áfram í fyrri undankeppninni. Þess má geta að í framkvæmdastjórninni eru þau Ragnhildur Steinunn Jónsdóttir, Birna Ósk Hansdóttir framleiðslustjóri, Helgi Jóhannesson pródúsent og Rúnar Freyr Gíslason, verkefnastjóri keppninnar. Eftir fyrri undankeppnina sendi Hildur formlega kvörtun frá sér og kvartaði undan hljóðblöndun. Í kjölfarið skapaðist mikil umræða og margir tóku undir með Hildi og sögðu lag hennar ekki hafa notið sín nægilega vel í útsendingunni. En Hildur og aðdáendur hennar ættu að geta andað rólega því að sögn Skarphéðins munu öll lögin sem keppa í lokakeppninni á laugardaginn njóta sín í botn. „Við leggjum að sjálfsögðu nótt við dag og kappkostum að öll framkvæmd keppninnar; flutningurinn, viðburðurinn, umgjörðin og útsendingin á laugardaginn verði eins og best verður á kosið. Ekki bara það, heldur getum við fullum fetum lofað glæsilegri sýningu þar sem lögin sjö fá að njóta sín sem aldrei fyrr, bæði hljóð og mynd,“ segir Skarphéðinn sem lofar heljarinnar sýningu. „Og svo má ekki gleyma sænska Måns Zelmerlöw sem mun taka sigurlagið sitt „Heroes“ auk þess sem sigurvegarinn frá því í fyrra, Greta Salóme, mun bjóða upp á glæsilegt upphafsatriði.“Hildur mun keppa í lokakeppni Söngvakeppninnar á laugardaginn og spennan magnast.En þetta er ekki í fyrsta sinn sem gripið er til svokallaðrar Svarta Péturs reglu í Söngvakeppninni, þ.e. þegar einu aukalagi er hleypt áfram í úrslitin, til viðbótar við þau sex sem komast áfram í kosningunni. „Þetta hefur komið fyrir þrisvar sinnum áður síðan reglan var innleidd árið 2013, en það var árin 2013, 2014 og 2015. Í fyrra var ákveðið að ekkert lag færi áfram sem Svarti Pétur, enda áskilur framkvæmdastjórn keppninnar sér rétt til að ákveða hvort hún velur sjöunda lagið áfram sem Svarta Pétur eða ekki, eftir því sem framkvæmdastjórn sér ástæðu til hverju sinni,“ útskýrir Skarphéðinn. „Það er skýrt kveðið á um Svarta Pétur í reglum um Söngvakeppnina, að til þess geti komið að sjöunda lagi kunni að vera veitt brautargengi með þessum hætti og því eru væntanlega allir keppendur meðvitaðir og undir þetta búnir allt frá byrjun.“ Hildur var að vonum himinlifandi yfir að komast áfram í lokakeppnina að sögn Skarphéðins. „Hildur tók þessum óvæntu tíðindum að sjálfsögðu fagnandi og okkur heyrist á öllu að hún ætli sér stóra hluti á laugardag.“„Alveg tvímælalaust,“ segir Skarphéðinn aðspurður hvort það ríki óvenju mikil spenna yfir keppninni þetta árið. „Keppnin í ár er ekki einasta einhver sú allra sterkasta í lengri tíma, heldur er hún óvenju jöfn og óvenju mörg lög sem gætu farið alla leið og unnið keppnina. Við spáðum þessu fyrir fram þegar lögin 12 lágu fyrir. Nú þegar þessi sjö ólíku lög eru eftir bendir allt til þess að lokakvöldið verði eitthvert það allra mest spennandi í sögu keppninnar. Það sjáum við ekki bara á símakosningunni, sem hefur verið áberandi góð til þessa, heldur einnig á aðsókninni, en uppselt var á bæði undanúrslitakvöldin. Svo hefur umfjöllun í fjölmiðlum og áhuginn á samfélagsmiðlum verið með mesta móti, sem segir alltaf heilmikið um áhugann á keppninni og þeim lögum sem keppa um að komast til Kænugarðs í maí. Eitt er víst að það er ómögulegt að spá um úrslit og stuðningsmenn laganna verða að hafa sig mjög í frammi svo að þeirra lag fari alla leið.“ Eurovision Mest lesið Skotin flakka milli Enoks og Birgittu: „Settu franskarnar í pokann“ Lífið Sinnir sjúklingum í sama herbergi og hún fékk greiningu Lífið Segja Freddie Mercury eiga laundóttur Lífið Gellur fjölmenntu í sumarpartý Ingu Lindar Lífið Gimbur borin með svart hjarta á bakinu Lífið Fréttatía vikunnar: Evrópudeildin, kappakstur og sólmyrkvi Lífið Ósérhlífinn starfsmaður bjargaði ómvölum frá endurvinnslu Lífið Eva Laufey og Haraldur selja húsið á Skaganum Lífið Nadía og Arnar selja fallegt hús í Hafnarfirði Lífið Var hent í ljónagryfjuna þegar hann fór inn á Vog Lífið Fleiri fréttir Segja Freddie Mercury eiga laundóttur Skotin flakka milli Enoks og Birgittu: „Settu franskarnar í pokann“ Sinnir sjúklingum í sama herbergi og hún fékk greiningu Fréttatía vikunnar: Evrópudeildin, kappakstur og sólmyrkvi Billy Joel greindist með heilasjúkdóm Gimbur borin með svart hjarta á bakinu Eva Laufey og Haraldur selja húsið á Skaganum Gellur fjölmenntu í sumarpartý Ingu Lindar Nadía og Arnar selja fallegt hús í Hafnarfirði „Hæ allir saman, kjósið New Day Will Rise“ „Erum við að reyna fá fólk til þess að vera svikara“ Á spítala eftir samfarir við 583 menn Hjálmar með upplyftandi morgunkveðju Níu ára toppaði Hvannadalshnjúk og renndi sér niður Ósérhlífinn starfsmaður bjargaði ómvölum frá endurvinnslu Kim „loksins“ útskrifuð Frumsýning á Cannes og gullhamrar Bill Murray: „Nú er ég búin að toppa mig algjörlega“ Sigurvegarinn vill banna Ísrael Tilkynna um 29 ný atriði á Iceland Airwaves Rúrik fellur í skuggann á kynþokkafullum Jóni Var hent í ljónagryfjuna þegar hann fór inn á Vog Color Run flytur úr Laugardal og í Kópavog Dunda dömurnar fögnuðu í bongó blíðu Baltasar Kormákur og Ólafur Jóhann saman í Þjóðleikhúsinu Dulúðug hvít andlit: „Nú horfi ég á þetta allt öðruvísi“ Keyptu glæsihús Atlanta-hjónanna á undirverði Eggert Gunnþór og Elsa selja einbýlið Eitt fallegasta hús Reykjavíkur komið á sölu Sagði að hún kæmist aldrei á forsíðu Vogue Bakslag í veikindi Valgeirs Sjá meira
„Að rækilega ígrunduðu máli var það samdóma álit framkvæmdastjórnar og dagskrárstjóra að hleypa Hildi og laginu hennar áfram. Þar liggja margar ástæður að baki, m.a. sem tengjast dagskrárgerðinni, faglegu mati framkvæmdastjórnar á heildarsvip keppninnar og framvindu hennar, frammistöðu umrædds keppanda og höfundar til þessa, möguleikum í úrslitunum, niðurstöðum símakosninga í undanúrslitum o.fl.,“ segir Skarphéðinn Guðmundsson, dagskrárstjóri RÚV, spurður út í þá ákvörðun að hleypa söngkonunni Hildi Kristínu Stefánsdóttur með lagið Bammbaramm í gegn í keppninni þó að hún hafi ekki verið kosin áfram í fyrri undankeppninni. Þess má geta að í framkvæmdastjórninni eru þau Ragnhildur Steinunn Jónsdóttir, Birna Ósk Hansdóttir framleiðslustjóri, Helgi Jóhannesson pródúsent og Rúnar Freyr Gíslason, verkefnastjóri keppninnar. Eftir fyrri undankeppnina sendi Hildur formlega kvörtun frá sér og kvartaði undan hljóðblöndun. Í kjölfarið skapaðist mikil umræða og margir tóku undir með Hildi og sögðu lag hennar ekki hafa notið sín nægilega vel í útsendingunni. En Hildur og aðdáendur hennar ættu að geta andað rólega því að sögn Skarphéðins munu öll lögin sem keppa í lokakeppninni á laugardaginn njóta sín í botn. „Við leggjum að sjálfsögðu nótt við dag og kappkostum að öll framkvæmd keppninnar; flutningurinn, viðburðurinn, umgjörðin og útsendingin á laugardaginn verði eins og best verður á kosið. Ekki bara það, heldur getum við fullum fetum lofað glæsilegri sýningu þar sem lögin sjö fá að njóta sín sem aldrei fyrr, bæði hljóð og mynd,“ segir Skarphéðinn sem lofar heljarinnar sýningu. „Og svo má ekki gleyma sænska Måns Zelmerlöw sem mun taka sigurlagið sitt „Heroes“ auk þess sem sigurvegarinn frá því í fyrra, Greta Salóme, mun bjóða upp á glæsilegt upphafsatriði.“Hildur mun keppa í lokakeppni Söngvakeppninnar á laugardaginn og spennan magnast.En þetta er ekki í fyrsta sinn sem gripið er til svokallaðrar Svarta Péturs reglu í Söngvakeppninni, þ.e. þegar einu aukalagi er hleypt áfram í úrslitin, til viðbótar við þau sex sem komast áfram í kosningunni. „Þetta hefur komið fyrir þrisvar sinnum áður síðan reglan var innleidd árið 2013, en það var árin 2013, 2014 og 2015. Í fyrra var ákveðið að ekkert lag færi áfram sem Svarti Pétur, enda áskilur framkvæmdastjórn keppninnar sér rétt til að ákveða hvort hún velur sjöunda lagið áfram sem Svarta Pétur eða ekki, eftir því sem framkvæmdastjórn sér ástæðu til hverju sinni,“ útskýrir Skarphéðinn. „Það er skýrt kveðið á um Svarta Pétur í reglum um Söngvakeppnina, að til þess geti komið að sjöunda lagi kunni að vera veitt brautargengi með þessum hætti og því eru væntanlega allir keppendur meðvitaðir og undir þetta búnir allt frá byrjun.“ Hildur var að vonum himinlifandi yfir að komast áfram í lokakeppnina að sögn Skarphéðins. „Hildur tók þessum óvæntu tíðindum að sjálfsögðu fagnandi og okkur heyrist á öllu að hún ætli sér stóra hluti á laugardag.“„Alveg tvímælalaust,“ segir Skarphéðinn aðspurður hvort það ríki óvenju mikil spenna yfir keppninni þetta árið. „Keppnin í ár er ekki einasta einhver sú allra sterkasta í lengri tíma, heldur er hún óvenju jöfn og óvenju mörg lög sem gætu farið alla leið og unnið keppnina. Við spáðum þessu fyrir fram þegar lögin 12 lágu fyrir. Nú þegar þessi sjö ólíku lög eru eftir bendir allt til þess að lokakvöldið verði eitthvert það allra mest spennandi í sögu keppninnar. Það sjáum við ekki bara á símakosningunni, sem hefur verið áberandi góð til þessa, heldur einnig á aðsókninni, en uppselt var á bæði undanúrslitakvöldin. Svo hefur umfjöllun í fjölmiðlum og áhuginn á samfélagsmiðlum verið með mesta móti, sem segir alltaf heilmikið um áhugann á keppninni og þeim lögum sem keppa um að komast til Kænugarðs í maí. Eitt er víst að það er ómögulegt að spá um úrslit og stuðningsmenn laganna verða að hafa sig mjög í frammi svo að þeirra lag fari alla leið.“
Eurovision Mest lesið Skotin flakka milli Enoks og Birgittu: „Settu franskarnar í pokann“ Lífið Sinnir sjúklingum í sama herbergi og hún fékk greiningu Lífið Segja Freddie Mercury eiga laundóttur Lífið Gellur fjölmenntu í sumarpartý Ingu Lindar Lífið Gimbur borin með svart hjarta á bakinu Lífið Fréttatía vikunnar: Evrópudeildin, kappakstur og sólmyrkvi Lífið Ósérhlífinn starfsmaður bjargaði ómvölum frá endurvinnslu Lífið Eva Laufey og Haraldur selja húsið á Skaganum Lífið Nadía og Arnar selja fallegt hús í Hafnarfirði Lífið Var hent í ljónagryfjuna þegar hann fór inn á Vog Lífið Fleiri fréttir Segja Freddie Mercury eiga laundóttur Skotin flakka milli Enoks og Birgittu: „Settu franskarnar í pokann“ Sinnir sjúklingum í sama herbergi og hún fékk greiningu Fréttatía vikunnar: Evrópudeildin, kappakstur og sólmyrkvi Billy Joel greindist með heilasjúkdóm Gimbur borin með svart hjarta á bakinu Eva Laufey og Haraldur selja húsið á Skaganum Gellur fjölmenntu í sumarpartý Ingu Lindar Nadía og Arnar selja fallegt hús í Hafnarfirði „Hæ allir saman, kjósið New Day Will Rise“ „Erum við að reyna fá fólk til þess að vera svikara“ Á spítala eftir samfarir við 583 menn Hjálmar með upplyftandi morgunkveðju Níu ára toppaði Hvannadalshnjúk og renndi sér niður Ósérhlífinn starfsmaður bjargaði ómvölum frá endurvinnslu Kim „loksins“ útskrifuð Frumsýning á Cannes og gullhamrar Bill Murray: „Nú er ég búin að toppa mig algjörlega“ Sigurvegarinn vill banna Ísrael Tilkynna um 29 ný atriði á Iceland Airwaves Rúrik fellur í skuggann á kynþokkafullum Jóni Var hent í ljónagryfjuna þegar hann fór inn á Vog Color Run flytur úr Laugardal og í Kópavog Dunda dömurnar fögnuðu í bongó blíðu Baltasar Kormákur og Ólafur Jóhann saman í Þjóðleikhúsinu Dulúðug hvít andlit: „Nú horfi ég á þetta allt öðruvísi“ Keyptu glæsihús Atlanta-hjónanna á undirverði Eggert Gunnþór og Elsa selja einbýlið Eitt fallegasta hús Reykjavíkur komið á sölu Sagði að hún kæmist aldrei á forsíðu Vogue Bakslag í veikindi Valgeirs Sjá meira