Ofurfyrirsæta og leikkona komst í hann krappann á ísvegg á Íslandi

Hin 23 ára Amyra Dastur starfar sem ofurfyrirsæta og leikkonan í Bollywood og var hún stödd hér á landi árið 2015 þegar hún lék á móti goðsögninni Jackie Chan í kvikmyndinni Mr. X.

Hún segir í viðtali við Straits Times að Chan hafa strítt henni mikið þegar á tökunum stóð og hann hafi í raun verið algjör hrekkjalómur.

Aðspurð hvað hafi verið það skelfilegasta við tökurnar á Íslandi svaraði hún; „Ég varð að klifra upp ísvegg á Íslandi. Hanskarnir mínir blotnuðu mikið og var ég á sama tíma stödd í sjö metra hæð og mjög hrædd. Við þurftum að ganga á jöklinum í um þrjá daga og eftir þessa daga fann ég ekki fyrir lærunum og höndum. Ég hugsaði þá hvað ég væri búin að koma mér út í?“