Þægindamúsík í læknishöndum Elín ALbertsdóttir skrifar 22. desember 2017 11:00 Haukur Heiðar hefur gefið út nýjan tvöfaldan geisladisk með bestu lögunum sem hann hefur áður gefið út á plötum en þeir diskar eru ófáanlegir. MYND/EYÞÓR Haukur Heiðar Ingólfsson læknir hefur gefið út safnplötu með 44 lögum þar sem hann rifjar upp vinsæl lög af fyrri plötum. Þetta er þægileg tónlist leikin af fingrum fram. Haukur Heiðar hefur leikið af fingrum fram frá því hann var lítill drengur og æfði sig á gamalt stofuorgel móður sinnar. Þótt plötusala hafi nær þurrkast út og plötubúðir sjáist vart lengur lætur Haukur Heiðar ekki deigan síga. Fyrri plötur hans hafa allar selst upp og þessi nýjasta hefur fengið frábærar viðtökur. „Ég er virkilega þakklátur og ánægður með hversu þessum nýja diski er vel tekið,“ segir hann. „Fyrsti geisladiskurinn kom út árið 1984 og síðan annar fjórum árum síðar. Þegar ég varð sjötugur árið 2012 gaf ég út afmælisdisk og hann átti að verða sá síðasti. Ég hef hins vegar mikið verið spurður hvort hægt sé að fá þessa diska einhvers staðar en þeir eru ófáanlegir. Það var ástæðan fyrir því að ég gerði þennan disk sem nefnist Bestu lögin og inniheldur sérvalin lög af fyrri plötum,“ útskýrir Haukur Heiðar sem varð 75 ára á árinu og er enn á fullu að spila í hinum ýmsu veislum. „Þetta eru tveir diskar, annar með lögum þar sem þau eru sungin en hinn er eingöngu píanóleikur,“ segir hann en allt eru þetta lög sem áður hafa komið út á þeim sex geisladiskum sem læknirinn hefur sent frá sér.Ljúfar laglínur Haukur Heiðar er fyrir löngu orðinn kunnur fyrir tónlistina sem hann flytur svo ljúflega. Hann segir þetta vera svokallaða þægindamúsík sem flestum finnst gott að hafa í kringum sig. „Það er enginn hávaði á þessum plötum heldur mætti segja að þetta sé eins konar ljúf dinnermúsík eða bakgrunnstónlist. Ég er mikið fyrir melódíur og fallegar laglínur,“ segir Haukur Heiðar sem spilaði lengi undir borðhaldi á Broadway á meðan sá staður var vinsæll. Þegar hann er spurður hvaða tónlist hann setji á fóninn heima, svarar hann: „Það er þessi þægilega tónlist, ameríska söngbókin, klassísk revíulög, suðræn tónlist og svo hlusta ég á gömlu snillingana, Bach, Beethoven og Chopin. Sjálfur spila ég ekki klassíska tónlist en hlusta mikið á hana. Ætli ég hafi ekki frekar breiðan tónlistarsmekk. Ég fer reglulega á Sinfóníutónleika og hlusta talsvert á góða kóra, til dæmis Mótettukór Hallgrímskirkju. Svo er ég mikill aðdáandi Víkings Heiðars píanósnillings, hann er í sérflokki. Við eigum margt frábært tónlistarfólk hér á landi.“Á böllunum Sjálfur byrjaði Haukur Heiðar að spila á píanó 10 ára. „Ég lærði ekki á píanó heldur spilaði lögin eftir eyranu. Á þeim tíma var rokkið og poppið að byrja og lítill áhugi á nótum og klassískri tónlist. Mér var boðið að spila á hótel KEA sem ungum manni og fékk meðal annars að vinna með Jose Riba sem var með hljómsveit á hótelinu auk þess sem hann kenndi við Tónlistarskólann á Akureyri. Ég lærði töluvert af honum. Hann bauð helst upp á klassísk dægurlög og suðræna tónlist. Ferillinn byrjaði eins og oft vill verða í gagnfræðaskólahljómsveit og síðan lá leiðin á skemmtistaðina og sveitaböllin. Þegar áhugi á læknisfræði kviknaði hjá mér var ég ekki með stúdentspróf enda hafði ég ekki hugsað mér að ganga menntaveginn. Músíkin átti hug minn allan. En ég sá að mér, dreif mig í menntaskóla og þaðan í háskólann. Á þeim tíma hitti ég Ómar Ragnarsson og okkar ferill saman spannar líklega nálægt fimmtíu árum. Það var síðan Björgvin Halldórsson sem kom að máli við mig og hvatti mig til að gera plötu með píanótónlist. Slíkar plötur voru fátíðar hér á landi en Magnús Kjartansson hafði reyndar gert eina plötu á undan mér og stal af mér nafninu en sú nefndist Samkvæmt læknisráði sem ég hefði viljað setja á mína plötu.“Með Ómari í 50 ár Haukur Heiðar lék um árabil á jólatrésskemmtunum með Ómari Ragnarssyni en segist ekki gera það lengur. „Við fórum í jólasveinabúninga, ég með nikkuna, og svo sprelluðum við með krökkunum. Það kemur fyrir að ég spili fyrir barnabörnin eða þau fyrir mig. Tónlist er mikil í minni fjölskyldu, bæði hjá börnunum og barnabörnunum og það er stundum glatt á hjalla hjá okkur. Á aðfangadag verð ég í mat hjá dóttur minni og aldrei að vita nema lagið verði tekið. Jólin eru skemmtilegur tími,“ segir Haukur Heiðar en geisladiskinn hans er meðal annars hægt að nálgast í Tólf tónum, Fjarðarkaupum, Hagkaup og Pennanum/Eymundsson. Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið „Tilfinningaþrungið að fá að fylgja myndinni í flík sem þessari“ Tíska og hönnun The Lazarus Project: Varúð, veldur svefnleysi Gagnrýni Erna Ómars er borgarlistamaður Reykjavíkur Menning Frambjóðendum gekk misvel í hraðaspurningum Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Ghost of Tsushima: Kominn út á PC og enn geggjaður Leikjavísir Fleiri fréttir Kosningavökur frambjóðenda: Hvar verða mestu fagnaðarlætin? Fréttatía vikunnar: Kosningar, eldgos og meistarar Fékk að heyra að konur ættu ekki heima á sjó Segir brjóst myndast við mikla bjórdrykkju Frambjóðendum gekk misvel í hraðaspurningum Kjúklinganaggar hollu stjúpunnar Innipúkinn farinn að taka á sig mynd Sigga á Grund er fyrsti heiðursborgari Flóahrepps Af vængjum fram: Grínaðist alltaf með að láta húðflúra einstefnuskilti á rassgatið Þetta höfðu netverjar að segja um kappræðurnar Ellefu eftirtektarverð eldhús Forsetaáskorunin: Grefur upp gamlar gersemar úti um allan heim. Herra Hnetusmjör og Sara selja íbúðina Skrifuðu bók um Sólrúnu Öldu og brunann í Mávahlíð Nafn konunnar flúrað á það allra heilagasta Annar bakaradrengur í ofninum Sjáðu svartþrestina yfirgefa hreiðrið Af vængjum fram: Eins og í bíómynd þegar þau byrjuðu loksins saman Forsetaáskorunin: Áhugatöframaður og hefur safnað skeljum og eldspýtustokkum Kosningavökumolar Höllu og Bjössa Millie Bobby og Bon Jovi yngri í hnapphelduna Einstök hæð í retró stíl við Laufásveg Margar konur sem leita á fæðingarheimilin sjálfar á barnsaldri Vandaði Eurovision ekki kveðjurnar á tónleikum Alfreð og Fríða orðin þriggja barna foreldrar „Margir héldu að ég væri endanlega búinn að missa það“ „Það er ástæðan fyrir því að ég sagði ekki já á stundinni“ Hvaða frambjóðandi er bestur í að flaka fisk? „Ómenntaður kúka kennslu sóði!“ Forsetaáskorunin: „Held að geimverur séu á meðal vor“ Sjá meira
Haukur Heiðar Ingólfsson læknir hefur gefið út safnplötu með 44 lögum þar sem hann rifjar upp vinsæl lög af fyrri plötum. Þetta er þægileg tónlist leikin af fingrum fram. Haukur Heiðar hefur leikið af fingrum fram frá því hann var lítill drengur og æfði sig á gamalt stofuorgel móður sinnar. Þótt plötusala hafi nær þurrkast út og plötubúðir sjáist vart lengur lætur Haukur Heiðar ekki deigan síga. Fyrri plötur hans hafa allar selst upp og þessi nýjasta hefur fengið frábærar viðtökur. „Ég er virkilega þakklátur og ánægður með hversu þessum nýja diski er vel tekið,“ segir hann. „Fyrsti geisladiskurinn kom út árið 1984 og síðan annar fjórum árum síðar. Þegar ég varð sjötugur árið 2012 gaf ég út afmælisdisk og hann átti að verða sá síðasti. Ég hef hins vegar mikið verið spurður hvort hægt sé að fá þessa diska einhvers staðar en þeir eru ófáanlegir. Það var ástæðan fyrir því að ég gerði þennan disk sem nefnist Bestu lögin og inniheldur sérvalin lög af fyrri plötum,“ útskýrir Haukur Heiðar sem varð 75 ára á árinu og er enn á fullu að spila í hinum ýmsu veislum. „Þetta eru tveir diskar, annar með lögum þar sem þau eru sungin en hinn er eingöngu píanóleikur,“ segir hann en allt eru þetta lög sem áður hafa komið út á þeim sex geisladiskum sem læknirinn hefur sent frá sér.Ljúfar laglínur Haukur Heiðar er fyrir löngu orðinn kunnur fyrir tónlistina sem hann flytur svo ljúflega. Hann segir þetta vera svokallaða þægindamúsík sem flestum finnst gott að hafa í kringum sig. „Það er enginn hávaði á þessum plötum heldur mætti segja að þetta sé eins konar ljúf dinnermúsík eða bakgrunnstónlist. Ég er mikið fyrir melódíur og fallegar laglínur,“ segir Haukur Heiðar sem spilaði lengi undir borðhaldi á Broadway á meðan sá staður var vinsæll. Þegar hann er spurður hvaða tónlist hann setji á fóninn heima, svarar hann: „Það er þessi þægilega tónlist, ameríska söngbókin, klassísk revíulög, suðræn tónlist og svo hlusta ég á gömlu snillingana, Bach, Beethoven og Chopin. Sjálfur spila ég ekki klassíska tónlist en hlusta mikið á hana. Ætli ég hafi ekki frekar breiðan tónlistarsmekk. Ég fer reglulega á Sinfóníutónleika og hlusta talsvert á góða kóra, til dæmis Mótettukór Hallgrímskirkju. Svo er ég mikill aðdáandi Víkings Heiðars píanósnillings, hann er í sérflokki. Við eigum margt frábært tónlistarfólk hér á landi.“Á böllunum Sjálfur byrjaði Haukur Heiðar að spila á píanó 10 ára. „Ég lærði ekki á píanó heldur spilaði lögin eftir eyranu. Á þeim tíma var rokkið og poppið að byrja og lítill áhugi á nótum og klassískri tónlist. Mér var boðið að spila á hótel KEA sem ungum manni og fékk meðal annars að vinna með Jose Riba sem var með hljómsveit á hótelinu auk þess sem hann kenndi við Tónlistarskólann á Akureyri. Ég lærði töluvert af honum. Hann bauð helst upp á klassísk dægurlög og suðræna tónlist. Ferillinn byrjaði eins og oft vill verða í gagnfræðaskólahljómsveit og síðan lá leiðin á skemmtistaðina og sveitaböllin. Þegar áhugi á læknisfræði kviknaði hjá mér var ég ekki með stúdentspróf enda hafði ég ekki hugsað mér að ganga menntaveginn. Músíkin átti hug minn allan. En ég sá að mér, dreif mig í menntaskóla og þaðan í háskólann. Á þeim tíma hitti ég Ómar Ragnarsson og okkar ferill saman spannar líklega nálægt fimmtíu árum. Það var síðan Björgvin Halldórsson sem kom að máli við mig og hvatti mig til að gera plötu með píanótónlist. Slíkar plötur voru fátíðar hér á landi en Magnús Kjartansson hafði reyndar gert eina plötu á undan mér og stal af mér nafninu en sú nefndist Samkvæmt læknisráði sem ég hefði viljað setja á mína plötu.“Með Ómari í 50 ár Haukur Heiðar lék um árabil á jólatrésskemmtunum með Ómari Ragnarssyni en segist ekki gera það lengur. „Við fórum í jólasveinabúninga, ég með nikkuna, og svo sprelluðum við með krökkunum. Það kemur fyrir að ég spili fyrir barnabörnin eða þau fyrir mig. Tónlist er mikil í minni fjölskyldu, bæði hjá börnunum og barnabörnunum og það er stundum glatt á hjalla hjá okkur. Á aðfangadag verð ég í mat hjá dóttur minni og aldrei að vita nema lagið verði tekið. Jólin eru skemmtilegur tími,“ segir Haukur Heiðar en geisladiskinn hans er meðal annars hægt að nálgast í Tólf tónum, Fjarðarkaupum, Hagkaup og Pennanum/Eymundsson.
Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið „Tilfinningaþrungið að fá að fylgja myndinni í flík sem þessari“ Tíska og hönnun The Lazarus Project: Varúð, veldur svefnleysi Gagnrýni Erna Ómars er borgarlistamaður Reykjavíkur Menning Frambjóðendum gekk misvel í hraðaspurningum Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Ghost of Tsushima: Kominn út á PC og enn geggjaður Leikjavísir Fleiri fréttir Kosningavökur frambjóðenda: Hvar verða mestu fagnaðarlætin? Fréttatía vikunnar: Kosningar, eldgos og meistarar Fékk að heyra að konur ættu ekki heima á sjó Segir brjóst myndast við mikla bjórdrykkju Frambjóðendum gekk misvel í hraðaspurningum Kjúklinganaggar hollu stjúpunnar Innipúkinn farinn að taka á sig mynd Sigga á Grund er fyrsti heiðursborgari Flóahrepps Af vængjum fram: Grínaðist alltaf með að láta húðflúra einstefnuskilti á rassgatið Þetta höfðu netverjar að segja um kappræðurnar Ellefu eftirtektarverð eldhús Forsetaáskorunin: Grefur upp gamlar gersemar úti um allan heim. Herra Hnetusmjör og Sara selja íbúðina Skrifuðu bók um Sólrúnu Öldu og brunann í Mávahlíð Nafn konunnar flúrað á það allra heilagasta Annar bakaradrengur í ofninum Sjáðu svartþrestina yfirgefa hreiðrið Af vængjum fram: Eins og í bíómynd þegar þau byrjuðu loksins saman Forsetaáskorunin: Áhugatöframaður og hefur safnað skeljum og eldspýtustokkum Kosningavökumolar Höllu og Bjössa Millie Bobby og Bon Jovi yngri í hnapphelduna Einstök hæð í retró stíl við Laufásveg Margar konur sem leita á fæðingarheimilin sjálfar á barnsaldri Vandaði Eurovision ekki kveðjurnar á tónleikum Alfreð og Fríða orðin þriggja barna foreldrar „Margir héldu að ég væri endanlega búinn að missa það“ „Það er ástæðan fyrir því að ég sagði ekki já á stundinni“ Hvaða frambjóðandi er bestur í að flaka fisk? „Ómenntaður kúka kennslu sóði!“ Forsetaáskorunin: „Held að geimverur séu á meðal vor“ Sjá meira