Þórunni var sagt upp á mjög sérstakan hátt

Hjartasteinn er fyrsta kvikmynd leikstjórans Guðmundar Arnars Guðmundssonar í fullri lengd en kvikmyndin hefur sópað til sín alþjóðlegum verðlaunum undanfarnar vikur og mánuði. Hjartasteinn fjallar um sterka vináttu tveggja drengja sem eru að taka sín fyrstu skref inn í unglingsárin og uppgötva ástina.

Kvikmyndin var frumsýnd á dögunum en framleiðendur myndarinnar hvetja Íslendinga til að segja frá æskuminningum sínum á Twitter undir kassamerkinu #hjartasteinn. Kvikmyndin á eflaust eftir að vekja upp margar æskuminningar hjá áhorfendum og af því tilefni fengu framleiðendur myndarinnar til sín nokkra þjóðþekkta einstaklinga til að rifja upp sínar æskuminningar.

Að þessu sinni er komið að söngkonunni Þórunni Antoníu. Hún segir frá því þegar fyrrverandi kærasti hætti með henni á mjög óhefðbundinn máta eins og sjá má hér að neðan.

Þar kemur í ljós að fyrsti kærastinn hennar bað móður sína um að hringja í Þórunni og segja henni upp fyrir sig.