Pelé: Dybala er ofmetinn

Knattspyrnugoðsögnin Pelé er ekki óvanur því að tjá sig um menn og málefni og nú hefur hann talað niður eina stærstu stjörnu Argentínumanna.

Pelé er ekki hrifinn af framherjanum Paulo Dybala sem hefur verið að gera það gott með Juventus.

„Hann er ekki eins góður og fólk er að segja. Hann er ofmetinn,“ sagði Pelé ákveðinn.

„Þeir segja að hann eigi að vera arftaki Maradona en það eina sem hann á sameiginlegt með Maradona er að sparka með vinstri fæti.“

Dybala hefur skorað 30 mörk í 65 leikjum með Juve en hefur ekki enn skorað fyrir argentínska landsliðið.