Gáfu út skemmtilegt rapplag til að tilkynna um sambandsslitin

Það getur oft á tíðum verið erfitt fyrir fólk að tilkynna vinum og vandamönnum að það sé hætt með maka sínum.

Þetta er stundum mikill hausverkur eins og margir þekkja, en til að mynda þarf fólk stundum að skrá sig úr sambandi á Facebook, og vekur það oft mikla athygli.

Þetta á aftur á móti ekki við um þá Jeremy Wetmore Spann og Blake Larso sem voru í sambandi í sjö ár.

Þeir einfaldlega gáfu út rapplag og settu á YouTube. Takturinn er úr laginu Just A Friend með Biz Markie.

Fín og frumleg leið til að tilkynna um sambandsslit eins og sjá má hér að neðan.