James Corden og Sia fóru á kostum á rúntinum - Myndband

Þáttastjórnandinn James Corden fer reglulega á rúntinn með tónlistarfólki. Á dögunum skellti hann sér á rúntinn með áströlsku söngkonunni Sia.

Corden er ávallt gríðarlega vel undirbúinn þegar hann skellir sér inn í bíl með listamönnunum og er hann búinn að læra alla texta vel utan af.

Að þessu sinni var enginn undantekning á og fór drengurinn á kostum eins og vanalega. Sia var með hárkollu fyrir andlitinu allan tímann en hún sýnir vanalega ekki á sér andlitið.

Þessi dagskrárliður heitir Carpool Karaoke og hefur notið mikilla vinsælda en myndband af rúntinum má sjá hér að neðan.