Khloe Kardashian mætti til Ellen og opnaði sig um ránið: Kim líður ekki vel

„Hún hefur það ekkert sérstaklega gott,“ segir Khloe Kardashian, systir Kim Kardashian, sem var rænd á hótelherbergi sínu í París þann 3. október síðastliðinn. Khloe var gestur í spjallþætti Ellen í gær og spurði spjallþáttastjórnandinn hana út í þennan fjölskylduharmleik.

Kim var rænd af fimm grímuklæddum mönnum á hótelherbergi sínu þar sem hún var til að taka þátt í tískuvikunni í Parísarborg. Komust ræningjarnir á brott með skartgripi að andvirði hundruð milljóna króna.

Sjónvarpsstöðin E! Network hefur frestað tökum á raunveruleikaþættinum Keeping Up With The Kardashians ótímabundið eftir að Kim Kardashian, ein stjarna þáttanna, var rænd fyrr í vikunni.

„Það sem gerðist hefur haft mikil áhrif á hana en við í fjölskyldunni stöndum þétt við bakið á henni. Við eigum eftir að komast í gegnum þetta saman. Við finnum fyrir ást og umhyggju frá almenningi og kunnum vel að meta það. Það mun bara taka tíma að komast í gegnum þetta. Það sem gerðist er hræðilegt.“

Khloe segir að atvikið hafa hringt ákveðnum viðvörunarbjöllum um að við þurfum að breyta aðeins um lífstíl.

„Mögulega munum við í framtíðinni ekki deila svona miklu efni frá okkur en við munum án efa komast í gegnum þennan tíma sem ein stór fjölskylda. Núna verðum við aðeins að stíga til baka, ég held að það sé bara hollt fyrir okkur.“