Snekkja og tveir Rolls-Royce fylgja með einni glæsilegustu íbúð heims - Myndir

Fasteignaverðið í New York borg er eitt það hæsta í heiminum og má finna þar gríðarlega fallegar eignir, og þá sérstaklega á Manhattan.

Í Atelier byggingunni í Midtown hverfinu á Manhattan er íbúð til sölu á 85 milljónir dollara eða því sem samsvarar tæpum ellefu milljörðum íslenskra króna.

Íbúðin er hin glæsilegasta og hefur hún nýlega verið tekinn í gegn frá a til ö. Það sem gerir þessa eign nokkuð sérstaka er að ef þú fjárfestir í eigninni, færðu snekkju að verðmæti 130 milljónir króna að auki sem og tvo bíla af tegundinni Rolls-Royce. Einnig færðu ársmiða á leiki með Brooklyn Nets í NBA-deildinni og eru sætin á fremsta bekk.

Íbúðin er á 45. hæð og með útsýni yfir New York borg en hún er um 1000 fermetrar á stærð með átta svefnherbergjum og átta baðherbergjum.

Hér að neðan má sjá myndir innan úr íbúðinni.