Sjáðu íslensku leiklýsendurna fallast í faðma í trylltum fögnuði - myndband

Guðmundur Benediktsson, sem lýsti leik Íslands á móti Austurríki í sjónvarpi, hefur fengið verðskuldaða athygli fyrir ástríðufullar lýsingar sínar á leikjum Íslands á stórmótum. Lýsingu Gumma Ben, eins og hann er jafnan kallaður,  á þriðja leik Íslands á Evrópumótinu í knattspyrnu þetta árið var þó ekki útvarpað í gær heldur er þar sérstakur lýsandi.

Að þessu sinni var það hinn skeleggi íþróttafréttamaður, Haukur Harðarson, sem lýsti ótrúlegu marki Arnórs Ingva Traustasonar á móti Austurríkismönnum í gær sem tryggði Íslandi sinn fyrsta sigur á stórmóti í knattspyrnu karla. Facebook-síðan Goal hefur birt einstakt myndband af Hauki þar sem hann fagnar marki og sigri Íslands með því að standa upp á stól og hlaupa svo til Gumma Ben og faðma hann.

Hlusta má á lýsingu Hauks hér að neðan.

Svo virðist sem Goal menn haldi þó að um Guðmund sjálfan sé að ræða en hann er nokkrum sætaröðum ofar. Þetta fallega augnablik má sjá hér að neðan.