Svandís hrekkir Hörð allt árið um kring: Aldrei rólegur eftir klósettferð - Myndband

„Hún tók upp á þessu fyrir tæpu ári og hún hefur haldið þessu gangandi síðan þá með reglulegu millibili,“ segir Hörður Þórhallsson en kærastan hans Svandís Nanna Pétursdóttir hefur látið honum bregða og hrekkt hann í eitt ár núna.

Svandís hefur passað vel upp á það að ná þessum augnablikum á myndband. Parið er búsett saman í Kópavoginum og vinnur konan mikið með Snapchat þegar hún er að hrekkja kærastann.

„Það er í raun ómögulegt að vita hvenær maður á von á þessu og þetta er bara enn þá í gangi og mun örugglega ekki stoppa á næstunni. Hún setur þessu alltaf í story á Snapchat og vinir hennar eru að njóta þess að sjá mig kveljast,“ segir Hörður og bætir því við að á tímabili hafi Svandís beðið við hurðina eftir hverja einustu klósettferð.

„Þá fór maður að vera varari um sig. En svo fær maður frí í nokkra daga og þá byrjar þetta fljótlega aftur.“

Hörður tengdi vel við frétt sem birtist hjá Lífinu á þriðjudaginn en þar var fjallað um kærustu sem lét kærastanum bregða í heila viku.

Sjá einnig: Kærastan lét honum bregða í heila viku

„Það var gott að sjá það að maður eigi þjáningarbróður einhverstaðar úti í heimi. Og við erum örugglega fleiri sem þurfum að díla við þetta.“