Kvöldfréttir Stöðvar 2 í beinni

Heilbrigðisráðherra telur eðlilegt að skoða hvort æskilegt sé að skipa sérstaka rannsóknarnefnd til þess að kanna aðkomu íslenskra stofnana að máli Erítreumanns sem lést eftir að hafa gengist undir barkaígræðslu á Karólínska sjúkrahúsinu í Svíþjóð. Nánar verður fjallað um þetta mál í fréttum Stöðvar 2 klukkan hálfsjö. Þá verður einnig fjallað um meinta valdþurrð fyrrverandi sjávarútvegsráðherra við gerð búvörusamnings en Félag atvinnurekenda hefur undir höndum lögfræðiálit þar sem fram kemur að ráðherra hafi ekki haft skýra lagaheimild við gerð samningsins.

Þá fjöllum við um eltihrella sem eru vaxandi vandamál í íslensku samfélagi en yfirlögfræðingur hjá lögreglunni á höfuðborgarsvæðinu telur að breyta þurfi hegningarlögum til afmarka betur refsirammann utan um brot af þessu tagi. Við fylgjum líka Lilju Alfreðsdóttur utanríkisráðherra í Fellaskóla en hún heimsótti sinn gamla skóla í dag til að vera viðstödd afhjúpun nýs listaverks sem á að endurspegla menningarlega fjölbreytni í íslensku samfélagi.