Þegar stjörnurnar misstigu sig illa: Hnífstunga, dauðsföll og varðveisla fíkniefna

Það þekkja það flestir að tilbiðja einhverja fræga manneskju og viljum við oft setja þær í einhverja dýrlingatölu.

Sumir hafa aftur á móti ekki alltaf hagað sér vel og jafnvel gerst sekir um lögbrot. Á síðunni Viral Thread er búið að taka saman lista sem segir frá allskonar slæmum hlutum sem stjörnurnar hafa orðið uppvísar að.

Hér að neðan má lesa um nokkur slík dæmi:

1. Mark Wahlberg

Leikarinn var ákærður þegar hann var 15 ára fyrir að kasta grjóti í áttina að börnum sem voru þeldökk og á hann að hafa látið rasísk ummæli falla. Þegar hann var 16 ára var hann dæmdur fyrir að ganga í skrokk á manni frá Víetnam og kýla annan mann frá Víetnam í andlitið, allt á sama deginum. Hann fékk dóm fyrir líkamsárás og sat í fangelsi í 45 daga.

2. Halle Berry

Óskarverðlaunahafinn Halle Berry var dæmd fyrir fyrir að aka bifreið sinni á aðra bifreið og flýja síðan af vettvangi. Tveir menn slösuðustu illa í árekstrinum og bar hún fyrir sig að hafa fengið sjálf höfuðhögg og ekki munað eftir atvikinu.

3. Jay-Z

Það er orðið nokkuð þekkt að áður fyrir var rapparinn Jay-Z eiturlyfjasali. Það sem fólk virðist ekki vita er að hann var dæmdur fyrir að stinga hátt settan mann innan plötufyrirtækis árið 1999.

4. Aaron Eckhart

Þegar leikarinn var að undirbúa sig fyrir hlutverk í kvikmyndinni Rabbit Hole skráði hann sig í stuðningshóp fyrir foreldra sem höfðu misst börnin sín.

Hann sagði aldrei neinum að hann væri leikari og laug að hópnum að hann hefði sjálfur gengið í gegnum það að hafa misst barn.

5. Matthew Broderick

Þegar Broderick var í fríi með þáverandi kærustinni sinni, Jennifer Grey, árið 1987 missti hann stjórn á bifreið sinni sem endaði með því að hún skall framan á annarri bifreið og tvær konur létust.

Hann var dæmdur fyrir glannalegan akstur og varð að greiða tvö hundruð dollara í sekt. Fjölskyldur þeirra látnu töluðum um að dómurinn væri lýsing á skelfilegu dómskerfi.

6. Tim Allen

Tim Allen var handtekinn árið 1978 með eitt og hálft kíló af kókaíni. Hann játaði sök og þurfti að gefa upp nöfn nokkurra eiturlyfjasala til að sleppa við fangelsi.

7. Dr. Dre

Dr. Dre réðst á konu árið 1991 sem starfaði sem blaðamaður í hip-hop senunni. Atvikið átti sér stað eftir að hún tók viðtal við Ice Cube sem yfirgaf N.W.A sveitina nokkrum árum áður en Dr. Dre er einn af stofnendum sveitarinnar.  Hann hlaut dóm fyrir líkamsárás.