Sjö lögregluþjónar ákærðir fyrir að brjóta kynferðislega á táningi

Sjö lögregluþjónar í nágrenni San Francisco hafa verið ákærðir fyrir að brjóta kynferðislega á táningsstúlku. Fyrr í vikunni steig 19 ára vændiskona fram og sagðist hafa haft mök við um 30 lögregluþjóna á síðastliðnum tveimur árum.

Þar af fjóra áður en hún varð 18 ára gömul. Hún segir lögregluþjónanna hafa haft mök við sig í skiptum fyrir vernd gegn handtökum og fyrir upplýsingar um aðgerðir lögreglu gegn vændi.

Samkvæmt AP fréttaveitunni starfa flestir lögregluþjónanna í Oakland, en Libby Schaaf borgarstjóri borgarinnar segir að tólf lögregluþjónum verði refsað. Þar af verður fjórum sagt upp, sjö verða settir í launalaust leyfi og einn þarf að gangast undir þjálfunarnámskeið.

Tveir til viðbótar eru hættir í lögreglunni og einn hefur framið sjálfsvíg.