Hemmi Gunn sjötugur: Ógleymanlegur þáttur um manninn sem allir elskuðu

Fjölmiðlamaðurinn ástsæli, Hermann Gunnarsson, hefði orðið sjötugur í dag en Hermann varð bráðkvaddur á Taílandi þann 4. júní árið 2013. Af því tilefni ákvað Jóhann Örn Ólafsson, samstarfsmaður Hemma til margra ára, að efla til „Verum hress og ekkert stress“ dagsins eins og Vísir greindi frá í gær.

Hemmi Gunn, fæddist í Reykjavík 9. desember 1946 og má svo sannarlega segja að hann hafi verið einn ástsælasti fjölmiðlamaður í sögu Íslendinga. Hann hélt mikið upp á afmælið sitt og þar kviknaði hugmyndin hjá Jóhanni.

Jón Ársæll fjallaði um Hermann í þætti sínum, Sjálfstætt fólk á sínum tíma og var um að ræða stórmerkilegan þátt í sögulegu samhengi. Nú má sjá þáttinn í heild sinni hér að ofan.