Edda og Pétur Jóhann sjá Stellu í orlofi: „Það er allt morandi í „catch phrases““

„Þarna er ég með sígarettu, þakka þér fyrir. Og reyki ekki. Það litla sem ég reykti var pípa þar sem ég var svo mikill hippi,“ sagði leikkonan Edda Björgvinsdóttir þar sem hún horfði á myndina Stellu í orlofi með Pétri Jóhanni Sigfússyni í Bíó Paradís.

Sýnt var frá bíóferð þeirra Eddu og Péturs Jóhanns í Íslandi í dag í kvöld.

Edda sagði Pétri Jóhanni frá ýmsu sem við kemur myndinni, en líklegast væru nú orðin ein tíu ár síðan hún sá myndina síðast. „Mér finnst mjög óþægilegt að horfa á efni með mér,“ sagði Edda.

Edda ræddi meðal annars hvað myndin var vel skrifuð og vel gerð og að allir kynnu að fara með línur úr myndinni. „Það er allt morandi í „catch phrases“,“ sagði Edda.

Sjá má innslagið í heild sinni að ofan.