„Þetta er hrikalega gaman og ég talaði um það við strákana í upphitun fyrir leik að við ættum bara að njóta þess að spila fótbolta og hafa gaman, því þegar vel gengur er þetta það skemmtilegasta í heiminum,“ segir markavélin Garðar Gunnlaugsson, leikmaður ÍA, eftir sigurinn á Val í kvöld.
ÍA vann frábæran 2-1 sigur á Val í 11. umferð Pepsi-deildarinnar og hefur liðið núna unnið fjóra leiki í röð. Garðar er sjálfur kominn með tíu mörk í deildinni.
„Við vorum í raun bara í bullinu fyrstu 35 mínútur leiksins en það breyttist allt við þetta mark sem Ármann Smári skorar. Eftir markið á kviknar á okkur og við verðum líkari okkur sjálfum.“
Garðar skoraði frábært mark beint úr aukaspyrnu í kvöld.
„Ég er búinn að æfa þetta mjög mikið í allt sumar. Jón Vilhelm og Ian vildu líka fá að taka þessa spyrnu en það var ekki séns.“ Nú þegar mótið er hálfnað er Garðar kominn með tíu mörk. Markametið í efstu deild karla eru 19 mörk.
„Ég stefni bara að því að skora eins mörg mörk og ég mögulega get. Ég verð bara að taka gömlu góðu klisjuna og taka bara einn leik í einu. Ég er heitur akkúrat núna og vonandi heldur það áfram.“
Stór hluti Skagaliðsins er núna með aflitað hár og er nokkuð skemmtilegt að fylgjast með þeim inni á vellinum.
„Þetta er allt saman mér að kenna. Það aflita sig alltaf nokkrir eftir hvern sigur leik og ég er búinn að skora svo mikið af mörkum að menn eru alltaf á hárgreiðslustofunni,“ segir Garðar léttur og bætir við: „Gylfi og einhvern einn í viðbót fer í litun eftir þennan leik.“
En ætlar Garðar ekki að aflita á sér skeggið?
„Nei, því miður. Ég vinn á hóteli og ég held hreinlega að ég yrði rekinn ef ég myndi aflita á mér skeggið.“
Stór hluti Skagaliðsins með aflitað hár: „Yrði rekinn ef ég myndi lita á mér skeggið“
Stefán Árni Pálsson skrifar

Mest lesið


Sjáðu slagsmálin eftir jöfnunarmark Blika
Íslenski boltinn

Fóru yfir lætin í Kópavogi: „Höskuldur tryllist strax frá byrjun“
Íslenski boltinn

Furðar sig á fjarveru Lárusar Orra: „Finnst þetta skrítið“
Íslenski boltinn

Ná samkomulagi um kaup á Alberti
Fótbolti

John Andrews og Björn reknir
Íslenski boltinn


Staðfesta kaupin á Alberti Guðmunds
Fótbolti


Vildi fleiri mínútur og stærra hlutverk
Körfubolti