Bað hennar á Adele tónleikum og hún reif þau upp á svið - Myndband

Adele er ein vinsælasta söngkonan í heiminum í dag og er hún núna að túra um heiminn og er ávallt uppselt á alla tónleika.

Í vikunni voru tónleikar með Adele í O2 höllinni í London og á miðjum tónleikunum kom hún auga á mann sem var að biðja kærustuna sína um að giftast sér.

Atvikið átti sér stað þegar hún var að taka lagið Make You Feel My Love og var hún ekki lengi að kalla parið upp á svið. Þá kom í ljóst að þau höfðu verið saman í tólf ár og var kominn tími á að maðurinn myndi skella sér á skeljarnar. Konan sagði já við bónorðinu.

„Þetta var eitthvað það fallegasta sem ég hef séð á tónleikum hjá mér,“ sagði Adele á sviðinu