Kim Kardashian er mætt á Snapchat

Ein allra þekktasta raunveruleikastjarna heims er Kim Kardashian West og er hún núna mætt á Snapchat. Kim er mjög dugleg á Twitter, Instagram og Facebook en hefur nú bætt við Snapchat-reikningi.

Notendanafn hennar er KimKardashian. Mikið hefur verið fjallað um Kim í fjölmiðlum síðustu daga en athafnakonan birti nektarmynd af sér á Twitter.

Sjá einnig: Enn leggur Kim Kardashian Internetið á hliðina

Hún hafði þó komið fyrir svörtum reitum á vel völdum stöðum. Eftir það fékk hún bæði jákvæð og neikvæð viðbrögð við myndinni en hún svaraði gagnrýnendum sínum á dögunum. Hún þakkaði fyrir stuðninginn sem hún hefur fengið, stærði sig af ríkidæmi sínu og birti síðan nýja nektarmynd með kassamerkinu #Liberated, eða frelsuð.

Sjá einnig: Kim svarar Bette Midler, Piers Morgan og fleirum

Meðal þeirra sem gerðu grín að og gagnrýndu Kim Kardashian fyrir myndbirtinguna var leikkonan Bette Midler. Hún sagði að ef Kim vildi sýna fólki eitthvað nýtt þyrfti hún að gleypa myndavélina.

Kim sagði í svari sínu að hún gerði sér grein fyrir að líklega væri Bette Midler sofandi, en ef hún læsi svarið ætti hún einnig að senda nektarmynd. Þá sagði hún að leikkonan hefði sent sér gjöf fyrir skömmu og þóst vera vinur sinn.

Snapchat alert! I'm finally on! Add me -KimKardashian https://t.co/ULYk0EZN7T

— Kim Kardashian West (@KimKardashian) March 9, 2016