Lífið

Kim svarar Bette Midler, Piers Morgan og fleirum

Samúel Karl Ólason skrifar
Athafnakonan Kim Kardashian, Piers Morgan og Bette Midler.
Athafnakonan Kim Kardashian, Piers Morgan og Bette Midler. Vísir/EPA
Athafnakonan Kim Kardashian virðist hafa skemmt sér vel við að lesa samfélagsmiðla eftir að hún birti nektarmynd af sér í gær. Myndin naut gífurlegrar athygli og fór eins og eldur í sinu um internetið.

Kardashian svaraði gagnrýnendum sínum í nótt. Hún þakkaði fyrir stuðningin sem hún hefur fengið, stærði sig af ríkidæmi sínu og birti síðan nýja nektarmynd með kassamerkinu #Liberated, eða frelsuð.

Sjá einnig: Enn leggur Kim Kardashian Internetið á hliðina

Meðal þeirra sem gerðu grín að og gagnrýndu Kim Kardashian fyrir myndbirtinguna var leikkonan Bette Midler. Hún sagði að ef Kim vildi sýna fólki eitthvað nýtt þyrfti hún að gleypa myndavélina.

Kim sagði í svari sínu að hún gerði sér grein fyrir að líklega væri Bette Midler sofandi, en ef hún læsi svarið ætti hún einnig að senda nektarmynd. Þá sagði hún að leikkonan hefði sent sér gjöf fyrir skömmu og þóst vera vinur sinn.

Piers Morgan gerði grín að Kim og sagði í tísti sínu að hann gerði sér grein fyrir því að eiginmaður hennar væri blankur. Hann spurði hvort hann ætti að kaupa föt fyrir hana.

Kim svaraði á þann veg að hann ætti ekki að bjóðast til að kaupa föt fyrir gifta konu.

Morgan sagðist sannfærður um að eiginmaður Kim, Kanye West, hefði tekið símann hennar og væri að tísta í hennar nafni.


Tengdar fréttir



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.