Vorboðinn ljúfi á Prikinu

Vorboðinn ljúfi verður með endurkomu í ár eftir blússandi velheppnað partý í maí á síðasta ári í Gamla Bíó.

Um er að ræða partý sem gengur undir nafninu Lóa en í ár verða herlegheitin haldin á Prikinu þann 21. maí þar sem öll rými verða fyllt plötusnúðum frá kvöldi til morguns.

Útvarpsþátturinn Tetriz undir stjórn Benna B-Ruff verður í broddi fylkingar en einnig verða plötusnúðahóparnir Plútó (Ewok, Skeng, Hlýnun Jarðar, Kocoon, Tandri, Skurður, Julia, Nærvera, Ozy, Maggi B) og BLOKK(Viktor Birgiss, FKNHNDSM, Áskell, Intr0beatz, Jónbjörn, Jón Reginbald og Ómar E.) á sínum stað.

Kempurnar Jay-O, Logi Pedro og B-Ruff munu ekki láta sitt eftir liggja og taka þéttar syrpur. Á efri og neðri hæð Priksins verða ofur kerfi til að tryggja sem þéttast tónaflóð. Fyrri part kvölds eða frá kl. 20:30 verða plötusnúðar á vegum BLOKK með tónlist í porti Priksins en partýið verður svo fært inn þegar líða tekur á kvöldið.