Elsti karlmaður heims látinn

Japaninn Yasutaro Koide lést í morgun, 112 ára að aldri. Hann hafði borið titilinn „elsti karlmaður heims“ frá því í júlí síðastliðinn og lést af völdum lungnabólgu.

Koide fæddist þann 13. mars 1903 og starfaði sem klæðskeri á sínum yngri árum.

Í frétt SVT kemur fram að Koide hafi sagt lykilinn að langlífi vera að forðast of mikla vinnu og lifa gleðiríku lífi.

Óljóst er hver taki nú við titilinum af Koide.

Elsta núlifandi manneskja heims er bandaríska konan Susannah Mushatt Jones, 116 ára, en hún kom í heiminn þann 6. júlí 1899.