Fjallið birtist sem varðhundur Móður jarðar í auglýsingu Sodastream

Hafþór Júlíus Björnsson, eða Fjallið, er í einu aðalhlutverkanna í nýrri þriggja mínútna auglýsingu Sodastream þar sem boðskapurinn er að færa skömm yfir mann sem hefur verslað kolsýrt vatn í plastflöskum.

Hafþór Júlíus birtist í auglýsingunni sem nokkurs konar varðhundur Móður jarðar þar sem hann skammar neytandann fyrir að hugsa ekki betur um umhverfið.

Minnir Fjallið á að Móðir jörð hafi fært okkur fuglana, býflugurnar, hafið og Matthew McConaughey. Og jarðhnetur. Fjallið spyr af hverju vilji menn vilji skaða þann sem hafi fært okkur þessar fögru verk.

Sjá má auglýsinguna að neðan.