Gætu sinnt yngra fólki með heilabilun ef niðurskuður væri tekinn til baka

Niðurskurður til Reykjalundar eftir hrun hefur orðið til þess að sérstakt taugateymi sem sinnti meðal annars yngra fólki með heilabilun var lagt niður.

 

„Ef við fengjum meiri mannafla gætum við vafalítið sinnt yngri einstaklingum meðáunnin heilaskaða. Sem fá takmarkaða þjónustu,“ segir Magnús Ólason, framkvæmdastjóri lækninga á Reykjalundi.



Sjá einnig: Þúsund bíða í allt að eitt ár



Svava Aradóttir framkvæmdastjóri Alzheimersamtakanna segir að það myndi skipta sköpum fyrir yngra fólk með heilabilun ef það hefði greiðari aðgang á Reykjalund enda séu aðstæður þar góðar og það vanti sárlega úrræði fyrir hópinn.

Til yngra fólks telst fólk sem greinist með heilabilun fyrir 65 ára aldurinn. Svava segir biðina mjög erfiða fyrir þennan hóp.

„Hjá þeim er öðruvísi fjölskyldumynstur, nánustu aðstandendur eru útivinnandi og þeir eru með yngri börn í skóla. Það er annars konar problematík en hjá þeim sem eldri eru,“ segir hún.

En biðin er löng á Reykjalundi. Í Fréttablaðinu í dag kom fram að tæplega þúsund manns bíði eftir þjónustu og biðin sé allt upp í eitt ár.

Biðin er löng því frá hruni hefur fjármagn til starfseminnar á Reykjalundi verið skert um 25-30 prósent með óumflýjanlegri fækkun starfsmanna. Á sama tíma berast 60-70 prósent fleiri beiðnir um meðferðá Reykjalundi. 

Magnús segir biðina geta verið dýra fyrir samfélagið enda sé mikilvægt að fólk komist sem fyrst í endurhæfingu svo það komist aftur út á vinnumarkaðinn.

Fyrir utan yngra fólk með heilabilun bitnar biðin helst á fólki með geðraskanir og stoðkerfisverki.

 

„Það kemur ekki á óvart þar sem þetta eru þeir sjúkdómaflokkar sem er lang algengasta ástæði fyrir nýgengi örorku, sem hefur vaxið mikið á undanförnum árum. Þannig að ef það væri hægt að grípa fyrr inn hjáþessum einstaklingum væri vafalítið hægt að koma í veg fyrir ótímabæra örorku í mörgum tilfellum,“ segir hann.